為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 11 月 25 日

李璨琛老婆識Do

李璨琛(Sam)同老婆梁志瑩(Pae)結婚五年,一直以來都相當恩愛,兩公婆成日出雙入對,十足糖黐豆咁四圍去。

日前,東姑又喺筲箕灣東大街遇到佢哋兩公婆。當時,戴住黑超、gel到個頭靚一靚嘅Sam,孖住老婆入咗一間舊式嘅電器舖。佢除咗喺度買嘢、揀嘢之外,仲同舖頭嘅老闆猛研究;而老婆全程一粒聲都唔出,好識do咁企埋一邊,等老公揸fit話晒事。最終,佢哋買咗個家用嘅電拖把,然後由Sam做「柴可夫」揸車離開。

睇嚟Sam的確娶到個好老婆,識嫁雞隨雞,夫唱婦隨,何況屋企嘅電器嘢,緊係男人話事啦!

阿Sam買嘢,老婆企埋一邊,唔會加把口。又啱嘅,買電器呢科都係等男人話晒事啦!

 

兩公婆最後買咗個電拖把,應該係買返屋企用。

 

老婆識Do,阿Sam待老婆亦體貼,出入都由佢揸車做「柴可夫」。