為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 11 月 26 日

LEGO靈修傳 盧永仁

不知從何時開始,LEGO已不只是小朋友的玩意,更成為不少大朋友的收藏物之一。

身為Kidsland(凱知樂)控股集團副主席的盧永仁,除了因工作需要而經常接觸這個Kidult玩意,原來他本身亦是一名LEGO迷,並收藏了大大小小不同款式的心頭好。

「我只會收藏三樣嘢,一係紅酒、二係書,三就係LEGO嘞!不過,我好少擺啲完成品喺屋企,大部分砌完都會擺入倉。而我鍾意砌嘅原因,一來係可以帶俾我唔少童年回憶,二來又可以當係自己每日嘅靈修時間,放低每日工作上嘅煩惱,俾腦筋安靜落嚟。」

盧永仁擔任副主席的公司,近日成功在港交所上市外,下月公司更將會在沙田新城市廣場,開設第三間LEGO專門店,開幕當日還會推出第二版泰姬陵的LEGO,到時又會掀起搶購熱潮。

 

享受工作

縱橫香港商界及社交界多年的盧永仁,其職業生涯充滿傳奇色彩,由聯通、香港電訊,再轉戰時裝零售商I.T,如今他又因LEGO再現身群眾面前,這源於他六年前加入了Kidsland(凱知樂)控股集團,擔任副主席。最近他更成功為公司在港交所上市,因而再次成為新聞人物。

談到其博士學位,是在名牌學府劍橋大學修讀遺傳工程學,何以不向這方面發展,反而轉向零售?他笑說:「最初我揀讀遺傳學,係真係想做一個偉大嘅科學家,好似高錕咁。但後來我發現自己做唔到,所以就選擇另一條路,決定唔做科研而轉職商場。

「不過,我都覺得自己好幸運,每一份工都係自己鍾意嘅,加上份份工都同消費者有關,而且我好鍾意日日同啲員工,好似喺戰場打仗嘅感覺,所以我愈做愈開心,完全無諗過自己幾時要退休。」

早前銅鑼灣時代廣場的香港區旗艦店開幕,甘比也專程到場支持。

 

他笑言,在眾多女性朋友中,楊千嬅絕對稱得上是忠實女粉,每逢有限量版和特別版推出,她必第一時間購買。