為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2017 年 11 月 23 日

「中出」爆人大選戰 傳林龍安揮低張明敏出線

港區全國人大代表選舉如箭在弦,隨着提名期於本周三展開,各商界領袖摩拳擦掌爭位出線。一向採取「內部協商」嘅中華出入口商會(簡稱中出)今屆爆發「爭位戰。」

有「愛國歌手」之稱嘅中出成員張明敏連任人大存有變數,中出榮譽會長李宗德透露,該會成員兼上市公司禹洲地產主席林龍安,上周一獲常董支持佢代表中出參選人大,佢話:「中出係時候培育新人啦!」

不過,李宗德話人大無劃定櫈仔畀中出,所以林龍安仲要同其他組織嘅代表爭過。另邊廂嘅張明敏,有傳仍未氣餒,正積極物色以其他「牌頭」出選。

加入中出十年嘅林龍安接受本刊訪問,透露自己出身於福建農民家庭,中學時因為家貧到石礦場拉車幫補生計,嘗盡辛酸,但佢讀書叻,喺中國科學技術大學取得工管碩士後投身公務員,本來生活無憂,但讀財務及管理嘅林龍安數口精,一直渴望創業,九十年代佢決定移居香港創業做老闆。

林龍安透露,最初問親戚朋友借咗五十萬元創業,供應石礦材料畀建築商,後來發展內地地產業務,於是問銀行借貸二百萬元於廈門發展房地產,挖得人生第一桶金。拼搏多年,林龍安已變身上市公司主席,投資遍及天津、新加坡及香港,公司市值逾二百億元。

問佢點解決心從政投身人大行列,林龍安話,好想將喺商界打拼多年嘅經驗回饋社會,協助年輕人抓緊「一帶一路」及「粵港澳大灣區」新機遇,尋找新嘅就業及創業之路。

 

 

有消息指,林龍安(上)取代張明敏,會以「中出」嘅牌頭出選港區人大。佢話如果當選,會協助年輕人抓緊「一帶一路」及「粵港澳大灣區」新機遇。

 

港區人大提名期於本周三展開,有傳現屆多名人大代表會退下火線,各商界領袖摩拳擦掌爭取有關空缺。