為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2017 年 11 月 26 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

冇錢使

香港近排經常被人詬病在電子支付方面落後於人,雖然金管局話現時整體電子支付交易額,已經佔私人消費開支六成以上,但實際上本地電子支付大部分來自信用卡簽帳,較通行嘅八達通亦只係佔5%,其他工具包括手機支付嘅市佔率更低。至於我自己,由於我用三星手機,所以都有用Samsung Pay同埋Android Pay,的確係好方便。

內地手機支付可以話係無孔不入,小至打的買粒糖,大至交租甚至買樓,日常飲茶夾錢,過年過節畀紅包都可以用手機搞掂。根據工信部資料,截至今年10月19日,內地移動支付交易規模超逾81萬億人民幣。移動支付工具不下幾十款,內地朋友話,不同工具會喺不同日子做優惠,所以佢哋會按優惠而選擇支付工具,情況一如香港嘅信用卡優惠。

中國人口多,交易規模當然大,但係講到全球最接近無現金經濟(Cashless Economy)嘅國家,原來係瑞典。2016年瑞典國內所有支付總值之中,僅有1%使用錢幣或紙幣,公共交通工具同好多店舖甚至唔收現金。無現金經濟下唔係「冇錢使」,而係「唔使錢」。

點解瑞典可以喺無現金方面領先全球呢?呢點同佢哋鼓勵科技發展同初創好有關係,例如全歐洲第一部移動信用卡讀卡機就係由瑞典本土科技公司開發,令好多小商戶都能夠輕易接受電子付款。另一方面,瑞典嘅電訊基建非常先進,係歐盟中最連線嘅國家,呢點亦有助電子支付嘅發展。

唔係所有國家嘅無現金發展都咁順利。印度大力推行無現金經濟,去年十一月宣布部分紙幣停止通行,喺流通貨幣之中抽走八成半,希望擴大移動支付嘅使用,但係一年後情況如何?根據印度銀行嘅資料,停用嘅大額紙幣中99%已回流返銀行體系。印度銀行話喺當地現金仍然是王,喺政府停用部分紙幣後無現金交易的確上升咗,但係至到今年三月就一路下跌,目前無現金交易只係佔5%。

無現金經濟嘅好處包括可打擊地下經濟,防止假錢同搶劫等,弊端係會引起網絡罪案嘅憂慮,亦牽涉複雜嘅政治問題。如果用作投機,就更加弊多於利嘞。好似2009年推出嘅比特幣(Bitcoin),係全球首個非中央發行、無需經過銀行、結算中心同證券商就可以互相支付嘅虛擬貨幣,可以令手續費更低廉。比特幣應用嘅加密區塊鏈(blockchain)技術亦備受推崇,但係由使用發展到炒比特幣就係另一回事。比特幣曾經飆升到7,888美元嘅高位,中國出手打壓比特幣交易平台後令「幣」值下跌近三成,但之後又大幅反彈,大坐過山車。津巴布韋爆發政變,當地比特幣價格漲到1.35萬美元,比國際市場高一倍。股神巴菲特話比特幣係真正嘅泡沫,不無道理。

無現金經濟就係唔用銀紙,有調查話大部分美國人出街帶50美元,英國人平均帶少過5英鎊,可以反映兩地嘅無現金程度。咁香港人平日出街又帶幾多「錢」?

無現金經濟嘅好處包括可打擊地下經濟,防止假錢同搶劫等,弊端係會引起網絡罪案嘅憂慮,亦牽涉複雜嘅政治問題。