為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 11 月 19 日

情迷畫意 何鳳蓮

畫畫既能宣洩情緒,又能陶冶性情,對於已故商業電台創辦人何佐芝孫女何鳳蓮(Chloe)來說,更是她的傳話筒。從小不善於辭令的她,父親是商台主席何驥,她卻從不打算接手電台工作,惟獨鍾情畫水墨畫,更立志成為藝術家。曾在紐約、上海及香港開過畫展的她,早前再於香港藝術中心舉辦個人水墨畫展「昇華」,其後更會在3812畫廊及「水墨藝博」展覽會參展,將作品公諸同好。

「我細個有語言障礙,唔識表達自己,我認為畫畫係最有力嘅世界語言,唔受地方同文化限制,就連小朋友都可以睇得明,所以我好鍾意透過我嘅畫作,去表達自己嘅諗法,令其他人更了解我。」

她表示,工作與娛樂時間難以分開。「我遇到所有嘅人同事,都會啟發到我嘅工作,平時我有時間會去踩單車、去海灘,亦好鍾意食嘢同買衫購物。」

 

以畫代口

五歲時與家人由美國加州搬來香港定居的何鳳蓮,是中美混血兒,在港生活多年,廣東話依然屬「有限公司」。「中文實在太難嘞!廣東話更甚,我只係識講少少。細個因為爸爸嘅工作關係,要回流返香港,記得我搭緊飛機嗰時,仲以為係去度假,完全唔知以後就要住喺呢度,但我好慶幸自己嚟咗香港,造就咗今日嘅我。」

現年三十歲的何鳳蓮,一邊遊走畫廊,一邊介紹畫作,講起她的作品,總是眉飛色舞,完全看不出小時候的她,原來有語言障礙。

「細細個我好怕醜,又文靜,唔鍾意講嘢,有時只係以點頭同搖頭嚟同人溝通,而且對於閱讀好唔在行,記唔到生字,所以我鍾意畫畫,有時就索性以畫畫嚟代替語言。口渴嗰時就畫一杯水,但如果想去廁所或想去瞓覺,唔識點表達時,我就會大喊。」

有見及此,父親何驥與美籍心理學家母親Paulette四出尋醫,又帶她做過失聰測試,意外發現她有很高的圖像推解能力,但說話能力則比較弱,結果父母安排她入讀漢基國際學校,上中文及英文語言訓練班,巧遇多位啟蒙老師。

「老師為咗令小朋友接觸多啲中國文化,要我哋去學寫書法同畫水墨畫。當時我覺得好悶,中文字又難寫,但老師會讚我寫嘢同畫畫靚,鼓勵我喺畫畫方面發展,我就跟佢學油畫,又跟過Susanna Blunt(加拿大畫家)畫肖像畫,大個之後我去咗加州密爾斯大學修讀藝術,拜咗劉虹(美國華裔現代畫家)同Moira Roth(美國藝術史學者兼藝評家)為師,進修畫技。」

每次她舉行畫展,爺爺何佐芝定必到場支持:「爺爺係我最重要嘅榜樣。」

 

(左起)早前她於香港藝術中心舉行個人畫展,獲母親Paulette、父親何驥及胞兄Trevor前來撐場。