為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2017 年 11 月 19 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

貪新忘舊

由眾安在線(6060)招股獲近392超額認購開始,香港掀起抽新股熱潮,接住嘅閱文(0772)超購近625倍凍資5,200億港元,仲有雷蛇(1337)、易鑫(2858)等,都得到投資者熱捧。投資者唔係問抽唔抽得過,而係問抽幾多?做唔做孖展?抽到沽定揸?抽唔到追唔追?

大家要留意,呢幾隻新股除咗「新」上市,仲代表「新」經濟,市場並非只係貪新鮮,而係希望投資於增長較高嘅新經濟,從中獲取更佳回報。事實上,港交所六月推出改革諮詢文件時,已經指出香港上市公司中,好多來自金融及地產行業,佔香港市場總市值44%。過去十年,來自新經濟行業嘅上市僅佔市場總市值3%,比對納斯達克嘅新經濟公司佔比係59%、紐約就44%。無論大家係咪贊成設立創新板,新經濟嘅發展潛力實在不容忽視。

喺金融科技方面嘅應用,內地已經行前好多。呢幾隻新經濟股上市,我哋除咗諗吓一手賺幾多,都可以諗諗我哋有無試過網上投保、睇書、電競同買車?香港係咪能夠喺新經濟之下保持固有優勢?最近一個全球智慧城市指數榜出爐,香港排名68位,落後於新加坡、東京、首爾、台北。除咗政府基建及政策支持,各行業都要急起直追。

貪新唔一定要忘舊。網購成風,物流公司都有得益,不過唔係間間物流公司都能受惠,只有能夠改革本身嘅營運模式,同網購接軌嘅公司至能脫穎而出。

講番抽新股,我本身都有參與,而且全部未放,打算長揸。有人問我點解第一日唔放眾安,而家跌咗喎。我就覺得眾安同閱文都比上市價升好多,既然都立於不敗之地,不妨作長線投資。呢一浪新經濟熱潮喺易鑫上埋市之後會靜一靜,短線唔期望會再有大升。日後再有新經濟股來港上市,大家要細心選擇,慎防有冒充鑽石。

我覺得眾安同閱文都比上市價升好多,既然都立於不敗之地,不妨作長線投資。