為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 10 月 30 日

呂慧儀搞到陳志健出血

○六年香港先生亞軍嘅陳志健,近月開始參與無綫處境劇《愛.回家之開心速遞》嘅演出,仲跟呂慧儀有感情線添。

日前,佢哋喺九龍塘拍攝拍拖戲,劇情講述兩個人原本開心遊車河,但突然被架貨van塞住條路。陳志健竟然一秒間由暖男變躁男,火氣沖天咁走埋去搵個貨車司機發晦氣;而呂慧儀喺調停期間,仲畀佢用遮打傷咗。雖然呂慧儀只係喺鏡頭前交反應戲,但陳志健就真係畀把爛遮鎅傷手,喺個手掌上鎅出一條血痕。為咗唔影響拍攝,陳志健都忍住痛照拍,直至導演嗌cut後,佢先去搽藥水消毒。事後,佢同東姑講︰「劇中我係有躁狂症,所以一撻着就咁忟憎。現實中嘅我梗係唔躁啦,對老婆一定唔會。」

此外,《愛》劇添食,呂慧儀十分高興,皆因處境劇時間穩定,「我朝早仲可以送埋個仔返學先返工,收工又趕到返去同佢食飯。」難怪一拍完外景,佢即急急腳趕入電視城拍廠景,爭取時間啦!

日前,陳志健與呂慧儀為《愛.回家之開心速遞》拍攝一場搶雨遮戲,二人事前先試位,免有損傷。

 

場戲講述,怒火沖沖嘅陳志健,拎住把傘想去對付個貨van司機,呂慧儀於是上前阻止,點知喺混亂中被扑傷。

 

結果,想打人嘅陳志健反而真係受傷,被爛遮

 

原本,佢哋對對方都有好感,遊車河時仲談情談到笑騎騎。