為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2017 年 10 月 19 日

名人親授 攻名校小一秘笈

一切歸咎於龍年效應!由五年前開始爭牀位生B、到撲奶粉、爭幼稚園學位,踏入今年終於嚟到小一入學大關卡。

近月小一第一輪面試正式開始,父母們東奔西跑頻頻撲撲,期望子女可入到心儀的小學。子女已經成功入讀神校的名人,如蔡加敏、丁子高、梁繼璋等,今期親授名校小一面試的秘技。

望子女成為名校生的一份子?快啲埋嚟學嘢喇喂!

馬天惠坦言自己並非虎媽,相反她卻十分注重女兒的德行,所以經常都會帶女兒做義工。

 

馬天惠 學校義工變理事會成員

先施百貨後人、公關公司Prestique老闆馬天惠(Esther),中小學均就讀神校拔萃女書院,其大女李卓研(Quisha)和細女李卓蕎(Tiqa),現在亦分別在該校就讀六年班和五年班。Esther坦言自大女兒出世後,便精心部署讓她入讀母校,「因為母校喺我心目中係最傑出嘅女校,個個畢業嘅女生,除咗成績好,中文底子好之外,仲好獨立同有自信。」

為了讓女兒能入讀自己的母校,Esther坦言一直無條件為學校做義工,「我除咗係舊生會嘅會員,亦有幫學校做廣告及做不同活動嘅公關。每年嘅周年晚會,我亦會主動做司儀,早前學校建校150周年,我就為學校安排唔同嘅訪問,我仲入埋學校嘅理事(兩年前已離任)。雖然我幫母校做咗咁多嘢,但我覺得咁樣都只係幫到個女多兩成機會入母校,其餘八成都係要睇小朋友自己嘅成績同面試表現。」

打GOLF亦是女兒的興趣,她們由五歲開始學習至今,球技非凡。

 

早前卓研(右一)和妹妹卓蕎(右二)一同在石澳參加香港公開600米兒童游泳賽,分別贏得金獎和銀獎。