為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 10 月 14 日

趙式芝同伴侶勁合拍

社交界名人趙式芝(GiGi)同名表太子女楊如芯(Sean)結咗婚,原來已經有五年,作為一對同性伴侶,查實佢哋比起好多異性婚姻伴侶,更加恩愛,默契同埋合拍度都不容置疑。

早前,東姑喺淺水灣一個俱樂部見到佢哋「夫妻」,相信係啱啱撐完枱腳食完飯。現場所見,Sean先喺停車場攞車,兼開定冷氣,然後施施然歎番支飯後煙;冇幾耐,GiGi隨後就到;跟住,佢自動波咁坐上司機位;然後,揸車出停車場口,等埋另一半食埋支煙就一齊離開。其實,兩個全程都零交談;不過,行動就好似心靈相通一樣,無縫合拍,呢種心領神會,認真冇得輸!

撐完枱腳,阿Sean先行一步到停車場攞車,並開定冷氣;然之後,GiGi先施施然咁由會所度行出來。

 

阿Sean喺停車場歎番支飯後煙,好有耐性咁等GiGi。

 

兩人好有默契,阿Sean歎完煙後,東姑見GiGi已經揸定車去到車場嘅閘口,等阿Sean上車,果然心有靈犀。