為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2017 年 10 月 10 日

關慧玲

《東周刊》社長兼總編輯。

高鐵車廂為何沒有安全帶?

香港高鐵預計明年第三季通車,日前就開放兩列新車廂畀人參觀,整體感覺唔錯,車廂光潔明亮,每個座位都有電源插座,椅背角度可調整傾斜度,還可以轉動以配合行車方向,乘客唔會坐倒頭車。車廂仲有為傷殘人士設的專用衞生間,更有嬰兒護理台;全車有WiFi,乘客可以無間斷上網。至於車上說明就探用繁、簡字體及英文,夠清楚。

九輛列車兩個月前到港後,香港與內地正聯合測試路軌和信號系統等運作,現時列車速度達每小時二百公里,可以加速至三百多。

有人問高鐵車廂要否加安全帶,港鐵職員笑話,因為鐵路同一般汽車唔同,高鐵就算要用緊急剎車,都要兩公里至能完全停止,乘客唔會有「CHOK住」的感覺,而日本新幹線、歐洲嘅歐洲之星都無安全帶裝置。

原來,一等座和駕駛艙中間仲有個私人廂座,可容納數人,兩邊都係不透光磨沙玻璃,私隱度夠高,不過問到有否特別保安裝置,是否防彈玻璃,港鐵就話沒有。

港鐵已開始為管理高鐵而準備,港鐵車務營運總管李聖基(基哥)話,雖然未知日後係咪畀港鐵管理,但佢哋都要密鑼緊鼓搞住先,預計站頭管理和車長等要增聘幾百人至得,佢依家日日都同同事開會,準備開線嘅前期功夫。

港鐵近年開嘅新線,基哥都有份參與,十分熟手。高鐵打算先行訓練六十多名車長,原來,要駕駛中港鐵路嘅車長必須考獲由國家鐵路局發出嘅相關資格,要求必須四十五歲以下,有兩年駕鐵路等經驗,廣東話、普通話和英文都要好,仲要讀十個月課程,再經考試合格。

基哥話,內地要求好嚴謹,而兩地駕駛系統基本上不算有很大差異,不過內地部分路段需要人手操作,佢哋已有第一批約二十多位同事考獲資格,其餘亦將會陸續完成訓練參加考核。

高鐵座椅可以旋轉,乘客不會坐倒頭車。