為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2017 年 10 月 08 日

愛在這世界邊端 陳貝兒

世事往往就是如此諷刺,陳貝兒在《嫁到這世界邊端》走訪異地多個香港人妻之際,自己卻偏偏正跟結婚六年的丈夫黃國棟處於分居期;及後在節目發布會中更淚灑當場,
開腔承認分居期滿,正辦理離婚手續。

「面對、接受、放下、向前……」

陳貝兒信佛,在這個訪問中,每回答婚姻觸礁的提問時,既沒有透露半句實質的詳情,也沒有流下半滴眼淚,

只是重複了類似的話很多次。

是在學習中,還是實踐中?「要面對嘅嘢,始終都要面對。如果你唔面對佢,個傷口始終都喺度;反而正面咁去面對佢嘅話,個人先可以一步一步咁行番出嚟。

「我o依家(心情平伏)已經七七八八,最唔開心嘅時候已經過咗,所以各位唔使擔心!我適應緊一個人嘅生活。」

仍然相信愛嗎?「人生有好多唔同嘅經歷,唔會話一次唔開心,就等於一世都唔開心!(《嫁》)呢個節目對我最大嘅得着,係畀我知道,愛,喺世界每個邊端都會出現……」

聽她說着說着,我開始發覺,與其說她這些話,正在回答我的問題,實情更像她給自己的溫馨提示。畢竟,百年修得同船渡,千年修得共枕眠,要真正放得下六年的夫妻關係,就只能靜待轉念——猶幸,她仍然相信柳暗花明又一村,只要願意再次感受,便不難發現,愛,其實一直就在身邊。

 

 

觸景Touching

只要看過《嫁到這世界邊端》的,大概每看到陳貝兒觸景傷情流下眼淚時,總會戥她難受:要一個正跟丈夫分居的女主持,跟觀眾分享別人的婚姻幸福,情何以堪?

「我都有同導演講,可唔可以唔好再剪我喊嘅片段出嚟,佢話佢會handle,所以我咪相信佢嘅judgement囉!哈哈!其實都唔係觸景傷情,反而我係觸景touching多啲,因為每個我訪問嘅港女人妻,佢哋為咗愛嗰種堅持同埋勇氣,都好感動我!」

拍攝時沒有因此自憐嗎?「每個女仔對於愛,都有自己嘅故事;我喺拍攝時,只係好投入喺佢哋啲故事裏面——當然,我都會對自己嘅故事有所反思啦!」

整個節目的攝製隊,只有她、兩位導演和一位攝影師,一個月內,他們先去了德國和丹麥,其後再往泰國及中東,訪問了共六位嫁到異地的人妻。「開頭喺德國同丹麥,成件事都沉重咗少少,我啲情緒亦都比較波動。之後去泰國同中東,我先覺得自己好似釋懷咗,情緒上好似放低咗好多嘢咁,對我嚟講,好似去咗個好好嘅心靈之旅。」

 

 

在《嫁到這世界邊端》中,陳貝兒每集細說採訪人妻感受時,總有很多愛情金句和眼淚。「呢個節目講愛,所以會令好多人有共鳴。」