為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 10 月 06 日

陳冠希有公德心

舊年,陳冠希(Edison)被發現同結過婚嘅內地名模秦舒培拍拖,鬧得滿城風雨。今年三月,秦舒培就幫Edison生咗囡囡Alaia,足見兩人已經感情穩定;而自此之後,Edison仲經常湊女為樂,成日喺社交網上載湊女相,擺出一副慈父樣,同平日火爆鬧記者嘅佢,簡直判若兩人。

最近,東姑喺加拿大機場,就發現Edison剛剛到埗,佢一出機場門口就吐出口中嘅香口膠落手度,跟住立即點煙,因為佢身邊有個黑人保鑣傍實,搞到東姑都唔敢行埋去。上車前,Edison就將手上嘅香口膠,掉落垃圾桶;做咗人爸爸之後,Edison睇嚟脾氣好咗,仲好有公德心添!

一出機場門口,煙癮起嘅Edison,立即吐出口中嘅香口膠落手度,然後火速點煙。

 

好有公德心嘅Edison,將手上嘅香口膠掉落垃圾桶。

 

好多網友見到Edison個慈父樣,都覺得佢變咗好多,係一個好父親、好老公喎。