為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 10 月 07 日

感激我遇見 陳見飛

當上帝關上一扇門,必會為你開啟另一扇窗。

曾活躍於社交圈的陳冠希胞姊陳見飛(Tricia),三年前患上急性焦慮症,遇上人生的低潮期,失去了做人和做事的目標,於是她決定離開香港,返回加拿大溫哥華過新生活。
闊別三年,近日她再度回港,除予人感覺神采飛揚,臉上還添了一份幸福的味道。只因她身邊多了未婚夫陳希亮(Thomas)同行,她還透露,明年夏天將於香港和溫哥華兩地舉行婚禮,讓親友見證二人的重要時刻。

「雖然我哋只係拍咗拖年半,亦唔係咩驚天動地嘅愛情故事,但我哋一齊好開心,咩都可以講,我o依家先明白,生活原來愈簡單就愈開心。」

陳見飛的那扇窗,就是其甜蜜嫁期。

三年後再踏足香港的陳見飛,坦言自己心態上已與昔日不同,不再喜歡五光十色的生活,反而樂於平凡。

 

網上情緣

已移居加拿大溫哥華生活的陳見飛,早前趁父親陳澤民的生日,專程回港與他慶祝。「本來今次返香港,係專程同爸爸慶祝生日,後來知道Edison﹙陳冠希﹚喺北京工作,於是我哋就改去北京慶祝,之後我同爸爸一齊返香港,陪多佢幾日,我就返溫哥華,繼續過我嘅簡單生活!」

最近她在社交網站公布與男友訂婚消息,是次港京之旅,未婚夫Thomas亦有陪伴左右。訪問這天,二人恩愛到場,全程放閃。談到跟Thomas的相識經過,陳見飛即笑說:「溫哥華嘅生活好簡單,我所有嘅朋友大學畢業後,就會搵一份工,之後就會拍拖、結婚、生仔。我三十八歲返到去,先知道我身邊嘅朋友,全部都結晒婚,仲生埋仔。

「當時我就諗,自己仲係單身,又無工作,點算呢?後來我啲朋友同我講:『唔使怕,o依家有好多交友網,不如妳都上去識吓人,可能會遇到另一半呢!』我即時耍手擰頭,始終我係唔相信網絡世界嘅人。點知有一日,我去朋友屋企食飯,朋友突然喺我部手提電腦度,裝咗個叫『Plenty of Fish』嘅交友App。」

緣來擋不了,陳見飛的真愛,就是靠互聯網覓得。「當時我心諗,上網交友都唔會遇到啲好質素嘅人o架啦!所以玩咗一陣,我就諗住delete個app,但當我正想delete嘅時候,佢(未婚夫)就send message俾我,於是我就叫佢wechat我,我哋就係咁傾傾吓偈就開始咗嘞!我比較鍾意中國人,而佢又係溫哥華華僑,喺當地做地產project manager,我哋拍咗拖一年半,我最欣賞佢簡單同埋勤奮。」

說到求婚過程,害羞的Thomas沒有發聲,只以眼神示意陳見飛作答:「過程好簡單好自然,當日我哋喺溫哥華一間普通餐廳食飯,佢突然同我講:『不如我哋結婚?』,當時佢連戒指同花都無,因為我以前同佢講過,戒指我鍾意自己揀,所以佢就無買,就係咁我就答應咗佢喇!」

三年後再踏足香港的陳見飛,坦言自己心態上已與昔日不同,不再喜歡五光十色的生活,反而樂於平凡。

 

得知細佬陳冠希在北京工作,早前她專程由溫哥華飛到北京,相約他一起為父親陳澤民慶祝生日。