為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 09 月 30 日

今天應該很高興 應德榮

要維持一段健康的夫妻關係,互相包容、尊重和溝通很重要。

應德榮(Andrew)和鄺文珣(May)這一對,在外被視為郎才女貌、天生一對,二人○六年結婚時,更是羨煞旁人。

沒想過夫妻的幸福背後,竟曾瀕臨離婚的邊緣。「我真係好感恩!文珣一直陪伴我左右,我亦都好明白,有五年時間佢好辛苦,因為之前我係一個完全唔識表達自己嘅人,全靠我哋共同嘅信仰幫助,先令我真正明白自己嘅內心世界,知道自己身邊一直有個好好嘅老婆支持,叫我一定要做番一個好丈夫。」

二人花了兩年時間修補關係,現已跨過危機,重回幸福正軌,並即將迎接他的「小情人」來臨。「呢份係個天送俾我哋屋企嘅禮物,當然要感恩,我自己就希望個女出世後好嗲我喇!」

外型俊朗的他,原來是位超愛運動的人,無論做gym、跑步、打冰上曲棍球、滑雪、羽毛球和足球,都是他的愛好。

 

鄺文珣早前拍下以粉紅色為主題的照片,向外宣布佗的是B女。

 

喜獲小情人

快將成為三子女之父的應德榮,外形俊朗,還有點明星相。「九四年我喺加拿大Calgary大學畢業後,返到香港真係參加過TVB嘅藝員訓練班,仲同蒙嘉慧、王賢誌一屆,可惜最後爹哋唔俾我入行,要我返屋企幫手做生意,一做就做咗十年,我嘅明星夢就係咁完咗喇!」

對於再為人父,他臉上即時難掩喜悅的心情,還親口透露BB的性別。「我已經有兩個仔,所以真係好想有個女,感恩神俾咗呢份禮物我哋。」

得知太太鄺文珣第三度懷孕時,已有兩次經驗的他,一切也以太太為上。「老實講,第三胎真係無前兩胎咁緊張,始終我倆都成長咗,雖然懷孕初期阿May身體係有點唔舒服,但後來佢都開始學識放鬆,而且佢一向都係一個好有系統嘅人,所以有好多嘢佢都一早安排好。而我自己亦放多咗時間學照顧兩個仔,學買餸煮嘢畀阿May食,總之等太太好好休息。

「兩個仔睇到媽咪個肚皮一日一日咁大,覺得好神奇,所以我哋都會解釋俾佢哋聽,其實以前佢哋細個都係咁樣,等佢哋有幻想空間,期待妹妹出世。」

現時大仔Cadence已九歲,細仔Casper就七歲,說到會否擔心他們與妹妹有隔膜,他表示:「o依家真係未知,我當然希望無喇!其實我自己同細妹都相差十年,但我哋溝通都好好,所以我希望我兩個仔都可以。加上我哋由懷孕開始已經同佢哋講,有時去產檢又帶埋佢哋去,等佢哋早啲同BB有接觸,培養好大家嘅感情。」

三個是否夠晒數?應德榮笑說:「如果阿May想,我一定會支持!」

重視親子時間的應德榮,每逢周末總會一家人四處遊玩。

 

自言不是怪獸家長的他,稱現在兒子只有三樣課外活動:游水、踢波及樂器,而且全都是他們所喜愛的。