我的偶像—驃叔

每逢馬季開鑼，我便會憶起兩位故人，一位是家父，另一位是董驃先生（見下圖）。

家父對賽馬很有心得，不信貼士信自己，由馬匹狀況到往績紀錄，他都有極強的分析和記憶，是「抵佢贏」的那種。不過儘管靠自己，但家父很喜歡睇驃叔講馬，他說因為驃叔真正識馬，又夠膽講真話。

我很喜歡陪爸爸睇驃叔講馬，因為我也很喜歡驃叔，駡騎師、駡馬會、駡馬迷，好笑又有道理，尤其他那句「我係董驃你唔係，我講馬你一定要聽！」，我很希望有一天自己也能夠講出如此霸氣的說話！

驃叔在二○○六年過身，當時其喪禮上派發了一份《仗義執言》的紀念冊，內裏節錄了驃叔的經典金句，就是影響我成長的那一堆說話！今日，在這裏與大家分享，希望大家閱後也「學到啲嘢」！

驃叔金句—「人生篇」：急事，要慢慢講。大事，要清楚的講。小事，可幽默的講。無把握的事，要謹慎地講。無發生的事，不要亂講。做不到的事，別隨便講。傷害人的事，不能講。討厭的事，小心地講。開心的事，睇場合講。傷心的事，不要見人就講。別人的事，最好唔講。自己的事，聽聽自己的心怎樣講。現在的事，做了再講。未來的事，未來再講。如果對我有不滿意的地方，請一定要對我講。樂不可極，樂極生悲。不勞而獲無道理，勞而不獲無天理。交一友要千言萬語，失一友只三言兩語。富貴如浮雲，得失不須記。只有人評馬、無馬評人，所以係馬評家、唔係馬評人。

驃叔金句—「賽馬篇」：我係董驃你唔係，我講馬你一定要聽。唔賭會病，賭就無命，惟有賭細啲吊住條命。無料的人無人扶得起，有料的人無人噤得低。馬重未必係肥，輕咗未必係瘦，肥瘦輕重根本係四件事。賭馬屬於偏門，偏門又使乜講道理。馬房贏馬贏錢係天公地道，輸馬贏錢就天理不容。買馬唔好信練馬師，要信緣份兩個字。做得馬評家，就係負責教導馬迷乜嘢係賽馬，更要為馬迷講句公道說話。出閘一支箭，轉彎似把扇，返來睇唔見。

或許家父和驃叔正在另一國度齊齊研究馬經，希望兩老開心、安好。