為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 09 月 24 日

陳炳銓買爆谷冧人

ViuTV藝人陳炳銓(Danny) 同無綫花旦李佳芯(Ali)嘅情侶關係,令好多人羨慕不已,唔少人好奇,女尊男卑,加上其貌不揚,佢到底憑乜嘢冧掂女神呢?

早排,東姑喺九龍塘又一城巧遇Danny,呢次見佢一支公行商場,走咗入一間專賣爆谷嘅名店,買咗一大袋爆谷,轉頭再入超市掃咗啲零食,睇個款唔似自己獨食,之後見佢揸車返咗九龍城。原來係趕住去佢做導師嘅劇場,教小朋友戲劇班,好明顯,啲爆谷、小食係買來o氹學生嘅。睇得出佢份人好有心思,幾識諗啲「花臣」冧人,唔怪得「女神」都畀佢得到手喇!

上完堂後,東姑見Danny仲喺門口撞到唐詩詠,佢哋企街傾咗一陣,似乎兩個幾熟吓。睇嚟Danny喺呢個圈,都算交遊廣闊,絕唔似外面啲人認為嘅「Nobody」囉。

Danny 買咗一大袋爆谷,睇嚟都唔係自己獨食,應該係用來做小禮物o氹人。

 

之後,佢仲喺商場超市買咗成袋零食,埋單時擘大個口「放蚊」,都幾唔顧儀容。

 

上完堂,Danny咁蹺畀佢喺門口撞到唐詩詠,兩個傾偈講笑,似乎都幾熟。