為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 09 月 18 日

樂作欣典 許懷欣

認識許懷欣(Ryan),大多因其家庭背景。除身為歌神許冠傑的長子,還有大伯「喜劇之王」許冠文及已故的三伯「一代笑匠」許冠英的照耀,令許懷欣擁有三重光環。

遺傳了父親的音樂DNA,他於美國求學時,已組成樂團「One Foot Forward」,並在當地出版兩張全英語專輯。直至O四年,他回港參與父親許冠傑的復出演唱會,才留港發展。

背負「歌神之子」之名,他的壓力並非如想像般沉重。「呢個係不可改變嘅事實。啱啱入行時,有好多人同我講,叫我跟爸爸嘅路線去做,甚至有大型嘅唱片公司,提議我唱爸爸嘅歌,先會支持我。我都用咗好多時間,去摸索自己要點做,o依家我已經清楚自己想做啲咩,亦係最舒服嘅時候。」

已過不惑之年的許懷欣,不需要光環,早已走出自己的「樂」與路。

現年四十一歲的許懷欣,身為歌神許冠傑之子,無疑有不少壓力,但他坦言會以樂觀的態度去面對。

 

十一歲首次以嘉賓身份出席父親的演唱會。

 

兩位巨星同台

最近歌神許冠傑和樂壇校長譚詠麟,在紅館舉行《阿Sam&阿Tam Happy Together演唱會》,再次與父親同台演出的許懷欣,坦言十分興奮。

「我第一次同爸爸喺紅館演出,係我十一歲嘅時候,當時我演出完,只係聽到台下嘅掌聲,已經好開心。今次嘅感覺好唔同,除咗可以再同爸爸合作,仲第一次同Uncle Alan(譚詠麟)合作。喺佢哋兩個身上,我學到好多嘢,而且佢哋亦俾咗好多自由我,由揀歌到編曲,我都加入咗好多屬於自己嘅元素。

「同Uncle Alan表演,當然有壓力!但係喺台上都感受到佢嘅震撼力同埋推動力,而且佢仲成日提點我,啲歌應該點寫同埋點樣唱,要運用氣門發聲,千祈唔好嗌⋯⋯佢嘅意見真係令我放鬆咗好多,所以今次可以同佢兩個一齊演出,喺音樂上幫咗我好多。」