為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2017 年 09 月 12 日

關慧玲

《東周刊》社長兼總編輯。

一位大學教授的慨歎

教育局副局長蔡若蓮喪子被「恭賀」的風波,再加上中大民主牆「支那」事件,在大學界一石激起千重浪。跟一位在大學多年的教授傾起,佢不無慨歎,話校園本來有的討論文化已經沉淪。

從前其實並沒有甚麼既定的一幅牆,大家只是在最多學生經過的地方豎起壁報版,家事國事天下事有話就講,重要是必定要寫上所屬學系和真實姓名,有反對意見,就直接寫上去,或者另貼在旁邊。大字報曾引發不少哄動討論,例如八十年代初一張題為「CU仔,去死吧」的大字報,炮轟大學生只顧追逐屋仔、車仔、老婆仔和仔而沉淪,言論惹火,引起各方注目。大字報上寫滿不同的評論和標註,另有大張大張的反對意見貼在旁邊、地上,卻沒有粗口,大家都在討論問題,你貼一張,我貼一張,是激烈但有互動。

七、八十年代在大學校園的大字報。

這位教授說,今次貼出「港獨」標語的人,卻是宣言式的,當中沒有理論的陳述,也是洗版式的貼滿整塊民主牆,不容別人在旁邊或上面Post反對意見的空間,更重要是無寫名,即係夠膽寫,唔夠膽認。

立論可以很大膽,推論亦可以很激,但是所謂民主討論,必須要有給別人反對的胸襟,「就當你講港獨,貼一張已夠引起討論,而你卻貼夠幾十張。」當別人不同意而在上面貼文就被罵,除了吸引同此道者畀個Like之外,完全無助討論問題。

教授話,他們的年代多數受中學或大學老師影響,學習知識以外也學做人,不過如今唔少大學生已未必咁受這一套,佢哋嘅啟蒙老師變了是活躍網上嘅網雄,亦學足網絡文化留意的方式,多數純粹宣洩式發洩,啱傾就圍爐取暖,唔啱傾就UNFRIEND,非友即敵,「唔少學生係在中學時代已聽呢啲網雄論述,其實中大仍然係講和理非嘅左膠大本營,而學生有時甚至攞啲網雄嘅書來我辦公室挑機,話和理非過時。」所以,好多時外界質疑大學教育質素是否出了問題,教授就覺得是啞子食黃蓮,有苦自己知。