袁嘉敏狂銷三千本
電影《鴨王》嘅女主角袁嘉敏，有樣有身材，仲有文筆。剛喺香港書展推出散文連靚相集後，佢日前又去埋廣州嘅書展宣傳，聽聞反應不俗，嗰日都有成三百名粉絲到場撐偶像，銷書情況仲好好添。
袁嘉敏同東姑分享喜訊：「我本書已賣過三千本啦，嚟緊會出精裝版，會大本啲，加多啲相，定價期望喺二百元內。嗰日係第一次去廣州書展，我唔單止同粉絲簽名影相，仲有半小時同佢哋傾偈分享。現場反而好多人問我讀書升學嘅嘢，都幾得意。」佢又透露下月會返內地出席電影《謎證》嘅首映禮及宣傳活動，到時會帶多啲書同行，順便一齊推廣吓。
日前，袁嘉敏到廣州嘅書展宣傳自己本散文連靚相集，仲有跟粉絲舉行分享會。
佢來者不拒，簽名簽足三百個粉絲先走人。
佢本書喺內地嘅定價跟香港差唔多，內容全部都一樣， 只係換咗簡體字。
