為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 城中人.事 2017 年 09 月 08 日

一注獨贏炒恒大 師奶狂賺五百萬

恒指已連升八個月,但未必個個散股賺到錢。炒股二十多年的余小姐,去年開始押注恒大(3333),結果狂賺超過五百萬。

恒大股價由去年下半年五元多起步,至上周四一度創下二十六元五角五仙新高,足足翻了四倍有多。

「我老家係武漢。有次回鄉,見附近有好多恒大樓盤,質素好好,樓價又唔貴,一百萬人仔就有層別墅,搞到我好想買!」不過內地有限購令,余小姐買樓不成,於是把心一橫,將一百萬本金掃入恒大股份。

她自爆恒大仍在三元左右時,掃了三十多萬股,升至約七元沽出,先賺了百多萬。「之後調整至四元多時開始再買,前後買咗五十幾萬股,諗住揸到佢回歸A股,點知升得好急,十三個幾就沽晒,想等回調再買。」這一轉,她勁賺四百多萬。

正當余女士等待調整之際,大劉劉鑾雄狂掃恒大的消息曝光,股價一去無回頭。她坦言後悔沽得太早,「如果唔係,揸到依家賺成千幾萬!」她近日開始「翻兜」,「大劉二十四個幾買,我跟少少,如果回到二十二蚊左右,就再買二百幾萬。不過唔夠膽買太多啦,始終有啲高。」

原本仍在供樓的她,炒恒大狂賺後已贖回屯門豫豐園單位。「想買第二層樓,睇中元朗YOHO TOWN,但個仔嘅女朋友喺珠海,所以想去珠海買,到時睇下點啦!」

恒大股價今年飆升,持股七成多的許家印身家大漲。余女士覺得他人面廣有眼光,十分懂得做生意。

 

余女士因限購令買不到恒大樓盤,毅然將資金掃入恒大股份,大賺超過五百萬。

 

恒大銷售強勁,今年上半年純利勁升八倍,管理層預計全年合約銷售可達四千五百億元。