為阿囝買麥記 Chilam十號波去鋸樹

「天鴿」襲港懸掛十號風球，強風加暴雨真係玩殘好多藝人。張智霖（Chilam）與老婆靚靚（袁詠儀）在南區冒險揸車「出城」為阿囝慕童買嘢食，靚靚一路開Live，中途遇上塌樹攔路，Chilam折返屋企取「架生」再去現場落地搬樹，真是廿四孝好父母。

Chilam夫婦因為屋企無糧食，加上十歲兒子想食麥記，二人就一齊揸車出外買lunch。老公揸車，老婆就輕鬆玩直播，兩夫婦仲不時提醒市民有塌樹要小心點。途中，前面有車停低，Chilam好好心，馬上落車了解情況及伸出援手。其後，他返回車廂即謂：「o依家我哋要即刻返屋企，攞錘仔和鋸等，就可以幫到手，原本呢次出來係有任務。」

 

張智霖與老婆靚靚在南區冒險揸車「出城」為阿囝慕童買嘢食。

中途遇上塌樹攔路，張智霖折返屋企取「架生」再去現場落地搬樹。

有一對廿四孝父母，慕童真係真真真幸福呀！