為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 08 月 18 日

創新慈行 黃澤慈

皮草,總給人奢華、成熟及傳統的感覺。

本地皮草品牌KRUF的老闆娘兼設計師黃澤慈(Kate),為了打破皮草予人只能在隆重場合、寒冷天氣穿着的傳統觀念,對之進行了全新的演繹。她以時尚前衛的設計,將皮草轉趨年輕化,成為都市人衣櫃中必備的時尚百搭服飾。

「我好開心可以吸引到唔同層面的年輕人,o依家我哋嘅客戶,有八成都係年輕新一代,而且有唔少都係大家熟悉的富二代,我真係好感恩!」

敢於破舊立新,才能突破傳統框框,獲得成功。

對於品牌未來的動向,Kate坦言希望能吸納更多歐洲的客戶,找更多合適的平台,令品牌得到更多人認同。

 

進軍巴黎時裝周

黃澤慈是香港數一數二的皮革設計師,她於一二年創立的皮草和皮革品牌「KRUF」,於連卡佛和Harvey Nichols等一線名店也有出售,並大受歡迎。

訪問這天,來到黃澤慈位於尖沙咀的陳列室,其設計的皮草,確實與傳統的款式截然不同。除了顏色較傳統的搶眼鮮艷,她採用的配件亦甚為多元化,如喱士、皮革等等。「我嘅理念係將皮草皮革年輕化,皮草其實好優雅,但係未必好後生,我想將佢變做每日都可以着,唔使一定出席公開場合,白天只係襯條牛仔褲已經好型,o依家我哋八成嘅客戶,都係後生仔女。」

形容自己是半途出家的她,坦言是其丈夫殷子安(Eric)帶她入行。「我喺美國加州大學讀嘅係經濟,完全無讀過fashion,只係我由細到大都好鍾意時裝,特別係皮草,所以我一直都有上網研究,搵唔同嘅資料。

「後來我同老公結婚後,因為老爺、奶奶都係做製衣出身,我就順理成章咁入咗呢行。直至一二年,我就決定創立呢個品牌,最初以造女裝為主,但後來有好多男士都好鍾意我哋嘅設計,試過有男客戶,買咗件女裝皮草嚟叫我哋幫佢改成男裝,所以今年我哋就正式開始發展男裝。而且我哋嘅設計亦大受歐洲客戶嘅歡迎,邀請我哋出席2018年嘅巴黎時裝周,與多個一線國際品牌睇齊,我真係好榮幸。」

KRUF獲不少時尚名人的愛戴,如著名博客Bryanboy,也是它的支持者。

 

Kate去年十月把品牌設計的皮草,捐給由何超瓊負責、於澳門舉行的羅浮宮晚宴作拍賣,促成二人合作的機會。