為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 08 月 21 日

林夏薇老公幫老婆考察

林夏薇前年下嫁金融才俊莫贊生(Jason),有傳老公身家高達二十億,入門之後本應「印印腳」唔使做。不過,佢就有「少奶奶」都唔做,除咗冇放棄拍劇外,仲學做埋生意,喺飲食界大展拳腳,同朋友合資過千萬,開咗超過十間點心火鍋店。

之但係,早排就有傳林夏薇旗下一間火鍋店,疑因財困而關門大吉,仲畀人爆料話曾經因食材唔新鮮,間舖畀人投訴。事後,佢就回應咗只係內部調整,食材從來冇收過投訴,公司亦冇任何財務問題。

近來,林夏薇忙緊為無綫新劇《逆緣》開工,東姑日前就喺筲箕灣撞見佢老公Jason,約咗一個男性友人,去咗食肆林立嘅東大街搵嘢食,應該仲順便幫佢忙碌緊嘅老婆,考察下飲食業行情。現場見Jason幫襯完間「人龍店」食魚蛋粉,仲喺門口眼望望,之後又走去附近便利店,偷(目及)下啲八卦娛樂雜誌嘅封面,咁關心娛樂圈動向,無非係關心老婆至真,真係愛嘅表現呀!

老婆開緊劇,放假嘅莫贊生就一身運動look,去到筲箕灣食肆林立嘅東大街搵嘢食。

 

莫贊生(左)食完嘢,仲喺食肆門口駐足望下望下,相信係幫老婆研究緊飲食業行情,返去再報告老婆喇!

 

身家豐厚嘅莫贊生,好遷就老婆,任佢繼續拍劇,任佢揼錢搞飲食生意,真係錫老婆錫到燶。