為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 08 月 19 日

袁文傑身患「隱疾」

袁文傑之前因無綫劇集《不懂撒嬌的女人》飾演霸氣「游生」而人氣急升,唔少人覺得佢四十五歲,仲keep到有型有款,保養得宜。不過,外表保養到,又唔代表身體機能,一樣keep得好。早前,東姑就喺太古城巧遇「游生」,發現佢身上原來有「隱疾」。

當日下午時份,「游生」一支公行運動用品店,見佢選購咗一個護膝套,然後匆匆埋單走人。而據東姑所知,呢種專用護膝套,其實係畀啲有舊患嘅人,或者有痛症問題嘅人,好好保護膝頭哥。護膝套嘅原理係減輕膝頭負壓,從而減輕痛楚,睇嚟「游生」隻腳認真麻麻,平時見佢精神煥發、健步如飛,絕對睇佢唔出原來有「痛腳」!

「游生」撐住把雨遮去運動用品店shopping,唔知係咪腳痛,以遮當柺仗用呢?

 

當日,佢買咗一個護膝套,畀完錢就匆匆走人,然後就行返去附近嘅屋企。

 

「游生」買嘅呢個專用護膝,可以有效保護膝頭哥嘅關節位,加強支撐同穩定,減輕痛腳嘅痛楚。