為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2017 年 08 月 20 日

民政副局長大熱陳積志 太太係黃造時

政圈流傳民政事務局副局長之位,將由現任民政總署副署長陳積志出任。佢八三年加入政務官行列,曾經做過多個政策局同部門嘅首長級職位。較鮮為人知嘅係佢老婆,原來係息影電視藝員黃造時。

現年五十三歲嘅黃造時,係七、八十年代當紅花旦。七九年加入無綫藝員訓練班,八二年出道嘅時候憑一個菲林廣告成功彈出,廣告中一句「天生一副明星相」令佢入屋。佢之後做過兒童節目,令人印象深刻嘅角色就係《射鵰英雄傳》入面嘅華箏公主。佢八五年轉投亞視拍劇,劇集《女捕快》同胡楓結緣,同方國珊一齊成為胡楓第一批契女。

八十年代尾佢淡出娛樂圈,之後移居倫敦,與男藝人陳觀泰嘅一段情最終未能開花結果。之後因緣際會與陳積志邂逅,婚後生活低調,與陳積志育有一子。

民政事務局副局長大熱陳積志,原來娶咗息影電視藝員黃造時做老婆。