為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 08 月 12 日

裕美同光頭Eddie冇避忌

跟前夫Jason搞清晒離婚手續後,裕美同無綫藝人黃子恆亦冇咗下文,經過上次被爆偷食事件,佢單身咗成年,個人係dry啲。不過,好彩有信仰支持,仲有啲弟兄姐妹開解下佢。

早排,東姑喺一個公開場合見到佢,成個人脫胎換骨咗一樣,似乎已將之前嘅嘢放低晒。見佢全晚心情風騷,仲冇避忌,黐住前組合EO2嘅成員彭懷安(Eddie),一時匿埋一邊「吱吱斟」,一時又講到眉飛色舞。

不過,大家咪誤會,東姑知道佢同Eddie之前係簽埋同一間經理人公司,關係屬於師兄師妹,可能因為太熟又冇夾雜兒女私情,所以先會冇芥蒂,見面時唔會就住、就住囉!

已走出離婚陰霾的裕美,心情回復,難得又跟同門師兄Eddie同場工作,笑個不停。

 

喺公開場合入面,裕美同Eddie成日匿埋一邊吹水。

 

二人話題不絕,連在扶手電梯,裕美也擰轉頭繼續傾。