為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 曾淵滄教路 2017 年 08 月 03 日

曾淵滄

畢業於英國曼徹斯特大學,考取管理科學博士學位,目前擔任大學教授。

人工智慧

據調查機構Forrester發表的2016年報告指出,人工智能技術發展喺未來五年將會減少職場上約 6%工作崗位,報告亦提到喺2021年人工智能、認知技術將會開始成為解決方案嘅主流,創新科技逐漸帶領我哋進入普及化嘅人工智能(Artificial Intelligence)時代。早前AlphaGo大勝幾位世界級知名圍棋高手,令關注人工智能新聞好似我咁嘅人愈嚟愈多,因為我好想知道人工智能對我嘅生活到底影響有幾深。

事實上,Microsoft、Amazon同Google都係可以從雲端運算、大數據以至硬件設備齊全嘅少數公司群,早前 Samsung收購咗「Siri之父」Dag Kittlaus 嘅人工智能新創企業 Viv Labs。不過市傳Alphabet、Facebook、Microsoft、IBM 同亞馬遜都各自有投入更多資源為人工智能制定「道德標準」,以防我哋被人工智能取而代之或被統治。

今年較早前出現網絡威脅企業嘅勒索軟件程式,惡意加密電腦檔案令用家無法讀取資料,用家要復原就要向攻擊者繳付贖金,我諗因為咁亦令到愈嚟愈多企業同廠商睇重人工智能嘅資源投入同發展。

有科學研究顯示基因主宰人類做決定,比重約佔10%,其餘就由我哋自身去做決定。較早前Facebook嘅Mark Zuckerberg即興舉行直播接受各界提問,當中有人引述Tesla 嘅 Elon Musk 對人工智能表示擔心。Zuckerberg就回應話大家應注重人工智能嘅優點,同埋喺好嘅層面用途上,而唔好淨係向唔好同做壞事嘅方向去諗。

最近,摩托羅拉與Neurala合作研究,開發智能相機讓公共安全用戶使用,希望幫助警隊更有效率地追蹤可疑人物或物件。例如疑犯或者失蹤兒童,據資料顯示Neurala係一個深度學習神經網路嘅軟件應用程式,目的令機械人、無人機、無人車、虛擬實境網絡遊戲、智能相機、玩具等智能產品更加自主、互動同實用,Neurala嘅終身深度神經網絡(Lifelong Deep Neural Network/ L-DNN)技術解決咗限制實時深度學習神經網絡嘅首要問題,呢項自身深度學習智能技術,兼自動更新嘅軟件應用程式,可以無時無刻立即啟動裝備去解決問題。

擴張實境(AR)同虛擬實境(VR)技術發展快速兼氣勢如虹,相繼有智能家居及智能城市設計、加密電子商貿、3D打印設計等嘅出現,科技網絡發展何止一日千里,人工智能技術簡直就今非昔比。我哋點會知企業究竟投入咗幾多資源,去開拓人工智能技術,又點會知技術究竟發展到去邊個水平。不過有一點可以肯定,我幾粒乖孫將見證到人工智能技術發展嘅升級版,我對呢項技術發展其實都有啲期待o架。

擴張實境(AR)同虛擬實境(VR)技術 發展快速兼氣勢如虹,未來會發展到哪一個水平,真是難以預料。