為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 07 月 28 日

藝高人膽大 張高銘

九十年代做電影,幾乎100%叫好又叫座;今時今日做電影,就連老行尊導演張堅庭都話「(票房)輸到癱癱腰」。但其現年二十三歲的大仔張高銘(Justin)則無有怕,早前孖住父親,父子檔執導微電影《追風的女孩》一過導演癮後,近日他再單人匹馬執導首套紀錄片《YaYa》,決心勇闖香港電影圈。

「我知道做電影好唔穩定,又賺唔到啲咩錢,但我只係擔心自己夠唔夠勤力,因為我控制唔到自己有幾多天份,有幾多人際網絡, 但我可以保證自己有幾努力,嚟緊九月我會去洛杉磯學做電影,希望藉住呢個機會,全心投入發展呢行!」

先天有個金像獎最佳編劇父親做指導,加上後天努力,且看張高銘能否打破現今的電影悶局?

主修電影系的他,副修考古及政治學,他表示:「喺大學讀電影係浪費時間同錢,我中學拍嘅短片仲多過大學,所以就想讀吓其他嘢。」

 

去年張高銘大學畢業,舉家到美國祝賀:「遲啲我去洛杉磯,佢哋(父母)會cut我信用卡,如果去到搵唔到嘢做,就去餐廳做住先。」

 

耕田過活

說着半鹹淡中文的張高銘,外貌幾乎與爸爸張堅庭如同餅印,於美國大學名府Tisch學院主修電影系的他,去年畢業後,沒有立刻投身電影界,反而去挪威耕田三個月,過着反璞歸真的生活。

「由細到大,我都喺城市讀書長大,同大自然完全脫咗軌,連粒士多啤梨喺邊度嚟都唔知。加上我想俾時間同空間去了解自己,父母又支持我有個gap year,就去咗WWOOF(世界有機農場機會組織)網站,安排我去挪威耕田,每個星期一至五做五個鐘,用勞力換取食宿,慳錢又安全。」

曾做過背包客,走訪過烏克蘭、俄羅斯等地的他,住慣陌生地方,在挪威的三個月生活,他就遇到怪屋主。

「第一個月我住喺一個教授嘅屋企,佢成日同我吹水,又會煮嘢俾我食,真係好nice; 第二個月,個屋主俾我瞓喺caravan(露營車)入面,地方又細又凍,仲無暖爐,夜晚(屋主)個BB係咁喊,而且無人煮嘢食,最後我提早走咗,去住第三間屋。

「本來以為第三間屋係最正,睇啲review(評論)個個都話好好,點知住落發現個owner(業主)黐黐哋線,佢覺得我哋啲城市人都係壞人,而且佢仲會打老婆,打到夜晚嘈醒我,我要幫佢老婆敷冰。第二日佢仲要扮無嘢,我頂唔順,最後搬返去第一個地方住。」

為享受天倫之樂,一三年一家人到台灣旅行,「媽咪同老竇成日都好多嘢講,有時夜晚瞓覺,都聽到佢地吹到十二點、一點。」

 

身為長子的他(中),有一胞弟張高翔(左)及胞妹張一諾:「我哋細個成日打交,弟弟踢足球有天份,妹妹就讀書好叻,我當佢哋係朋友。」