為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > Paco巨星飯堂 2017 年 07 月 29 日

黃栢高

黃栢高(Paco),金牌經理人,叱吒樂壇三十年,炮製無數金曲,捧紅不少歌手。近年涉足電影,《行運超人》、《龍咁威》、《殺破狼》等,皆叫好叫座。最新動作,除於本刊主持《Paco巨星飯堂》,每逢周一更在《頭條日報》主持「名人會」專欄,專訪城中名人、紅星。

至叻群英會

今次嘅「Paco巨星飯堂」,其中一位重量級嘉賓,係我嘅中學同學——一直都咁叻嘅阿叻陳百祥!近期佢主演嘅劇集《賭城群英會》,堪稱話題作,飯敍就將友情同劇情,共冶一爐。

我帶阿叻同佢喺劇中嘅另一半陳法蓉(Monica),加上兩位後輩沈卓盈(Jess)同楊明(Mat),去到位於尖沙咀嘅「陶源酒家」,品嘗時令嘅黃油蟹宴,再暢談劇經、食經。

阿Mat、Monica、Jess同阿叻(左至右)喺劇集《賭城群英會》中,各有發揮。踏入今周,劇情更峰迴路轉,自然令劇迷更加期待。

 

「客串」變主角

阿叻少有拍劇,今次仲做埋男主角之一,全因為王晶。「我每年都會幫肥仔客串兩日戲,之前客串過《賭城風雲II》,舊年客串劉德華同黃曉明套《偷天任務》,拍完佢(王晶)就剪走晒!跟住佢有一旦半夜三點打俾我,話有套劇預埋我,我諗住拍兩日,點知就拍咗成兩個月。

「不過我一知道對手係靚女Monica,就梗係應承啦!但係原來要追佢,又要談情,係人都知我追嗰個就係我老婆,嗰啲深情嘢就真係考起我。」

要認真咁同阿叻談情說愛,Monica話:「OK呀!我哋有商有量o架,有時唔使講都好有默契。有時咀戲係叻哥即場發揮嘅,好似有場以為對方死咗但又再見番,叻哥就錫咗我一下,拍嗰陣我都有少少愕然,之後睇番就覺得好sweet。」

咀戲連場,連秀姑都有幫手俾意見。「有次秀姑同叻哥講,嗰場咀戲要有好愛好愛嘅感覺,叻哥就話諗起屋企隻狗,好似錫狗咁。我都係愛狗之人,都視愛犬好似人咁,所以唔會介意。」

我帶四位嘉賓去到位於尖沙咀嘅「陶源酒家」,一邊品嘗時令嘅黃油蟹宴,一邊暢談劇經、食經。

 

阿叻同Monica喺劇中嘅一段情,最為劇迷津津樂道,上周二人將先後「離世」,帶出劇情高潮。

 

 

 

原隻鮑魚伴金柚,炮製得相當入味。

 

金湯小米燴遼參,以香甜嘅南瓜湯底,加上四種不同小米,凸顯遼參嘅口感。

 

餐廳為迎接黃油蟹季節,推出八道菜嘅「黃油蟹鮑魚位餐」(每位$888/兩位起),包括呢道湯汁濃郁嘅黃油蟹粉小籠包。

 

人情真心厚

阿叻同Monica再度合作,原來劇中仲有另一位Monica舊對手。「我同阿佘之前合作過,我當年離開無綫前拍嘅劇集《生命有TAKE 2》,咁啱就係佢第一次拍劇,今次再拍無綫劇又係同佢合作,我覺得好有緣,所以拍得好開心。以前阿佘細路女啲,講嘢細細聲,o依家個人開朗啲,演技又成熟。有時我會問佢拍無綫劇要注意嘅事。她又會問我食邊隻『防腐劑』,哈哈!

「至於其他徒弟,仲有同劇嘅演員,因為我哋喺內地拍戲,所以收工好多時都會約埋去食飯、睇戲,都好closeo架。」

Jess大表讚同:「一齊食飯真係有助增進感情,係我哋溝通嘅最好timing!我飾演四哥個女,有時佢都會教我入戲,真係好似爹哋咁。」

Mat就話:「同我多對手戲嘅,就係平時都有夾開嘅馬明,仲有我暗戀嘅Jess,所以都OK嘅。」

 

Monica話同阿叻拍kiss戲份,後者以錫愛犬情景入戲,但佢話:「我都係愛狗之人,完全明白叻哥嘅心態!」

 

Monica(右一)同劇中三位徒弟阿佘、文凱玲及高Ling(右二至左),喺拍攝期間不時相約睇戲、飯敍,培養出真感情。

 

阿Mat同馬明喺戲中飾演好兄弟,仲有動作場面。

 

七、八月時份係食黃油蟹嘅季節,餐廳嘅極品黃油蟹,油份同蟹膏都啱啱好。

 

黑魚子煎魚扒,清香鮮味。

 

愛蟹掃食者

阿叻就點評兩位「後生仔」:「你睇謝賢o依家條腰仲咁直,行出嚟成個霆鋒咁,就知佢型啦!另外嗰個就屋企冇得食薯片,開親工都有四種薯片等住佢食,劉兆銘啲口味咁小朋友,仲唔係『後生仔』?」

講到食,我就要為讀者服務,請教吓Monica嘅keep fit之道,點知佢話:「好得意!我好鍾意食肉,每一餐一定要食,如果冇肉食我係會唔舒服o架!但係我少食菜都好,身形都唔會有大改變,所以我冇刻意去keep。」

阿叻立即話:「我同Monica唔同,我係素食者(其他嘉賓:「吓?」),橫掃個『掃』呀!有啲咩我都掃晒嘅!好似食蟹咁,我老婆好鍾意食,而每年食奄仔蟹、黃油蟹到大閘蟹,好多人都係嚟我屋企食。

「我叫大閘蟹通常都係一百隻、一百隻咁叫,以前就有阿肥同我鬥蟹,o依家就個個都嚟我屋企食,阿倫、成龍呢啲有錢過我嘅,又係嚟食完拍拍籮柚就走,咁唔通我又同佢哋計咩?」

阿Mat喺劇中暗戀Jess,奈何女方無回應,但二人喺現實中就係好友,飯敍時仲selfie。

 

Jess同四哥嘅父女情,延續到戲外。

 

黃金蟹皇炒飯,以鮮拆蟹肉炮製,飯粒乾爽,有水準!

 

以蛋白杏仁茶作甜品,香滑滋味。

 

養顏紅棗糕係另一道甜品,唔會過甜又夠滋陰。

 

陶源酒家
地址:尖沙咀彌敦道63號iSQUARE國際廣場24樓
電話: 29979303