陳慧琳仔煲呔成標誌
陳慧琳（Kelly）大仔劉昇（蝦餃仔） 讀緊荔景一間平民國際學校，明年就會升上小學三年級。呢間學校，每年都會製作一本精美特刊，晒下全校嘅師生靚相；而媽咪Kelly就年年都會悉心幫囝囝打扮一番，等佢以最sharp醒嘅造型見人。東姑發現，蝦餃仔兩年嚟都打晒煲呔影相，相對其他同學形象突出，煲呔更成為佢嘅指定標誌。同埋，剛滿八歲嘅佢，雖然甩咗兩隻門牙，但一啲都唔吝嗇笑容，影相時笑得非常燦爛，睇落真係寧舍醒目。
另外，呢本校刊仲發現苟芸慧嘅胞弟阿Ray，繼續喺呢間學校度做緊教學助理，聽聞佢對呢份工充滿熱誠，平時對啲學生都好有耐性o架！
今年八歲嘅蝦餃仔，雖然甩咗兩隻門牙，但係依然笑得好燦爛，仲企喺大後排，明顯生得特別高大。
蝦餃仔今年同舊年（上圖）都一樣着到好靚仔，仲打埋煲呔，而煲呔睇嚟已經變成咗佢嘅標誌。
一五年尾，Kelly喺紅館開演唱會時，蝦餃仔都有上台撐媽咪。
