為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2017 年 07 月 13 日

「遼寧號」訪港 全城追艦狂熱

全城熱切期待的「遼寧號」航空母艦上周五終於抵港!全長三百米的遼寧號由蒲台島以南,進入香港海域,途經港島西南面,例如華富邨及數碼港等沿岸,停泊喺大嶼山東南、交椅洲以北一帶,展開為期五日的訪港之旅,期間吸引大批市民上山下海遠距離朝聖,一睹遼寧號的風采。

部分政商界人士及立法會議員獲邀登艦參觀,議員們上周五開完財委會會議,嗱嗱林搭接駁船上遼寧號湊熱鬧。其中,立法會議員林健鋒和劉國勳就同戰機機師selfie;鍾國斌、謝偉俊同靚女海軍「集郵」。

工商總會主席王庭聰,以及工聯會理事長吳秋北心情靚靚,雙雙高歌一曲《愛拼才會贏》!事後建制派議員仲喺面書做直播同貼相,大家都玩得好開心!

上周六、日,船艦開放畀攞咗飛的市民上艦,由於限派二千張,成功搶得飛的市民當然唔會錯過今次機會,喺艦上玩得盡興,有人喺甲板上留影,又與艦上的軍事裝備合照!而搶唔到飛嘅市民,就四出捐窿捐罅搵靚位影相。有市民晨早喺鴨脷洲海怡半島岸上目擊船艦駛入本港海域,亦有市民長途跋涉由屯門搭車入青衣高處,一睹遼寧號英姿。

唔想四圍撲咁辛苦?市民仲可以揀從海路近距離觀賞船艦。天星小輪海港遊往返尖沙咀同迪士尼,駛經交椅洲附近時,只係同遼寧號相隔幾百米。洋紫荊維港遊亦有相關行程,船票早賣晒。今次遼寧艦編隊除咗與民同樂之餘,仲帶嚟唔少商機!

(左起)水警總區指揮官林曉彤、警務處處長盧偉聰、立法會主席梁君彥、警務處副處長(行動)劉業成及高級警司楊文彬,艦上來個大合照。

 

(右起)兩位前特首梁振英及董建華,與中聯辦主任張曉明聚首一堂,登艦見證中國軍力強大。

 

立法會議員廖長江向靚女海軍了解艦上生活,兩人相談甚歡。

 

特首林鄭月娥上艦進行閱兵儀式。