為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2017 年 07 月 11 日

關慧玲

《東周刊》社長兼總編輯。

紅館開電競武林大會

電競是全球新興產業,衍生出龐大商機,旅遊發展局掌握先機,下月四日至六日贊助電競音樂節及「王者回歸」電競邀請賽,安排多個國際打機比賽前冠軍來港,在《英雄聯盟》的遊戲擂台上開武林大會,再較高下,機迷為之雀躍。

至於點解搵前賽手作賽?據稱原來全球電競賽已十分規範化,現役賽手落場好多規矩,前賽手仍有人氣之餘可以自由身參賽,佢哋有些從前是對手,依家變成同盟,都幾有趣。

旅發局總幹事劉鎮漢話,香港第一次搞電競賽事,希望唔好失禮,佢哋構思在室內場搞,只係場地短缺,所以定在中環海濱戶外地方。點知好好彩,最近畀佢哋知道紅館突然有空檔,權衡再三,雖然部分門票已出售,還是毅然轉到紅館,「呢排天氣陰晴不定,紅館室內場夠大且不受風雨所限,件事可以發揮得更好。」佢預計換地點後,電競賽可容納約七千名觀眾,演唱會則由一萬二千人減至七千人。

轉場令下達,機迷和賽手當然非常OK,不過旅發局眾人就做到氣咳,為咗理順換票安排和重新安排流程,聽講唔少負責同事因此捱足幾晚通宵。

電競邀請賽和SMTOWN演唱會門票在七月七日及十日再次在網上發售,買咗演唱會飛嘅,可在七月十七日中午十二時起,去通利琴行或「快達票」售票處換票或退票,劉鎮漢強調「買到票者必定有位坐,唔會搵人笨咁衰。」至於電競賽事門票亦有新安排,最新四種門票由八十元至四百八十元不等。

電競是新生代玩意,香港如能適度發展,可以衍生多種傳統專業以外嘅就業機會,例如遊戲設計、打機賽手,教練、旁述員等,外國甚至有大學專門開辦相關的管理學位課程。此外,新生代「我的志願」原來已悄悄有了改變,學生不只再限於選擇醫生、律師這些傳統職業,反而遊戲設計員成為大熱。如加以規範化,不失為就業新出路。