為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 07 月 10 日

蘇志威風騷「蒲波樓」

51歲嘅蘇志威,早前同草蜢成員蔡一傑和蔡一智完成三藩市演唱會後,上月就帶家人去台北玩,仲同18歲大女君蕎玩自拍,阿囡亭亭玉立,似足佢老婆劉小慧。之後,榮升馬主嘅佢不時帶太太睇愛駒「駿王」操練,可惜「駿王」喺6.11及7.1出賽連番敗北,仲要次次包尾,搞到佢無癮話:「真係激死,今季唔跑住喇,等下季先啦!」愛駒要操fit,日前蘇志威就樂得清閒去MK篤波。當晚7時許,見佢着件黃色top配藍色褲,好鬼搶眼。型佬一嚟到,就笑笑口與老友揮手say hi。員工同佢講未有枱,蘇老闆就點了杯凍檸茶,濕濕個口再等。其間戴住hand free嘅佢不時密密講電話,都幾忙。適逢當晚跑夜馬,無馬出賽嘅蘇老闆未「出手」篤波,咪睇吓賽馬先囉。睇咗兩場都係未有位,佢就無癮走人!

 

 

見到老友的蘇志威就揮手say hi,心情靚靚。

 

適逢當晚跑夜馬,無馬出賽的蘇老闆未「出手」篤波,咪睇吓賽馬先囉。睇咗兩場都係未有位,他就無癮走人!

 

早前,記者就拍得蘇志威揸波子落MK篤波。

 

7.1賽馬日,蘇志威和太太劉小慧現身沙田馬場為愛駒打氣。