為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 07 月 06 日

反璞歸珍 利蘊珍

家住山頂五千呎豪華大屋的利希慎孫女、無綫創辦人利孝和女兒利蘊珍(Marie),一向鍾情於藍天碧海,兩年多前購入赤柱大潭道三千呎單位,作消閒度假屋,對正環山海景。現為「運動燃希望基金」及茗茶品牌「OR TEA?」創辦人的她,更將大自然元素融入家中。

「好多人都話我使乜咁辛苦去做嘢,去歎世界咪得囉,我最怕人咁講!佢哋表面睇,覺得我係邊個邊個,但又唔知我嘅個性係點,我性格就好似個海咁,鍾意自由、有活力,所以啲朋友入到嚟,都覺得好有我嘅風格,住喺度特別舒服!」

忠於自己,才能如利蘊珍般活出真我。

地板鋪了五層來自意大利的Terrazzo(水磨石),再夾雜貝殼及金粉等細節打造而成,耗時數個月鋪設。

 

度假勝地

相比起山頂的獨立大屋,利蘊珍這間「度假屋」,更令人心曠神怡。開揚的露台面對無敵海景,屋內的天然家具及藝術擺設,亦令人大開眼界。

「我一向住開南區,細個喺深水灣住。每個weekend,爹哋都會請人嚟屋企打波(網球),又會帶我哋去游水,所以我由細到大都好鍾意海同運動,就算o依家住喺山頂都要見到個海。但嗰度太busy,我鍾意嘅係寂靜嘅海景,搵咗好多年(屋)都唔啱心水。

「直到兩年前終於搵到呢度,雖然我平時好少喺度住,但間唔中都會請客嚟。我鍾意同人分享,如果啲親戚、朋友enjoy喺度stay,又可以當呢度係guest house,我無任歡迎!」

客廳天花板上的多條鯉魚,暗藏含意:「我鍾意大自然,魚對於我嚟講寓意自由,我屋企又對住個海,啲魚就好似游出大海咁,好似我嘅性格。」

 

法國街頭藝術家Alexandre Monteiro aka Hopare以利舞臺廣場做背景,為她設計獨一無二的畫作:「佢第一次上人屋企畫畫,平時只會喺街頭創作,總共畫咗六日,嗰時直情住喺我屋企。」