為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2017 年 07 月 09 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

從九七回歸走到今天

雖然世界每天喺我哋身邊不知不覺間默默地變,但香港屬中國一部分嘅事實係唔會改變,香港係中國境內最自由最國際化嘅大都會城市亦係事實,香港喺回歸後呢二十年,無論喺政治抑或社會氣氛近年都不斷改變,有理由相信阿爺會相應地適度調整對港政策。

由英國殖民地進化到回歸後嘅一國兩制,當中帶嚟嘅衝擊同變化應該唔少,普羅市民要改變去接受新嘅政府有難度,所以一國兩制係希望維持五十年不變,令香港可以平穩過渡之餘,亦令我哋有時間慢慢調節去適應新政府。

距離九七回歸只有四個多月之際,二月十九日鄧小平卻喺北京逝世,我諗佢老人家唔可以見證香港七一回歸呢個日子難免會有遺憾。據史記喺1842年清廷戰敗簽訂嘅《南京條約》,將香港島連同鴨脷洲和附近島嶼永久割讓予英國;清朝又喺1860年戰敗簽訂《北京條約》,將九龍半島界限街以南及昂船洲永久割讓予英國;另清朝與英國再喺1898年簽訂為期99年《展拓香港界址專條》嘅租契,租借新界包括新界九龍及230多個離島予英國,咁講係咪有部分港地屬永久割讓呢?據知鄧小平對一國嘅堅持,曾多番與當時英國首相戴卓爾夫人斡旋,最終令中英雙方最後落實一國,並敲定專為港而設「一國兩制」嘅特區政策。

亞投行早前宣佈接納香港成為非主權地區成員,香港金融機構同資本市場可以正式為亞投行成員,提供多項跨區域基建項目配套資金融資,全力配合為國內企業提供基建專案貸款發債等多元化服務,亞投行亦可利用香港喺人民幣業務方面嘅優勢,為亞洲區及成員國基礎設施建設上,為企業提供尤其用人民幣結算嘅金融服務,並為香港人民幣業務帶嚟新機遇。亞投行喺未來擴建發展過程中,將要面對包括市場環境、地緣政治、宗教衝突以至恐怖主義威脅等變化,香港絕對可以發揮專長為基建項目提供專業嘅商業評估、盡職調查、商業談判、工程諮詢、法律及財務顧問等金融相關服務,配合並支援亞投行與國家嘅一帶一路政策,回歸後香港持續發展並開拓金融服務業,喺民生同經濟上時刻背靠祖國。

睇過關於心理學有趣嘅資料,改變嘅理由同效益喺理性層面上較容易理解,但人往往喺情感層面上又較抗拒改變,人因為求安逸會自我說服改變無必要,甚至去揾一啲似是而非反對改變嘅理由,自我洗腦話改變無需要,改變其實可以係一個習慣、係一種能力,靈活運用呢個能力可以有機會領先對手一步。隨着中港兩地民生、經濟接觸及交往日益增加,中央政府對港政策相信會由回歸初期懷柔嘅高度自治,到近年因有人講港獨,令阿爺重申香港特區擁有高度自治不等同完全自治嘅立場,香港不久將來無論會唔會有改變,大家務必認真考慮喺改變過程中帶嚟嘅後果,又或因改變後所帶嚟不可改變嘅結果。

香港已經慶祝回歸二十周年,未知中央政府對港政策會否由回歸初期懷柔嘅高度自治,而有所變化。