簡淑兒女神又收兵
簡淑兒（Jessica ）原本係組合「少女標本」嘅成員，近排三變一「單飛」發展出唱片，睇嚟公司都相當睇好佢，皆因佢之前幫無綫拍劇集，反應都唔錯，仲被封做宅男女神添！
早排東姑喺尖沙咀撞到佢，女神無論一舉手一投足，都好pure好true，見佢當日着住件tube-top，過馬路時驚驚青咁，用手撳住心口，驚死走光！而同行兩個男仔，相信係幫手做嘢嘅同事，一個走先，Jessica笑容燦爛咁同對方道別，另一個就跟住佢入商場，但佢同對方傾偈時，一時扁扁嘴，一時嗲聲嗲氣，使出嗲死人嘅表情同語氣，難怪異性一個二個，都甘心做佢個「兵仔」喇！
Jessica同一個男仔喺商場等（車立）期間，有傾有講，但啲表情同語氣勁嗲，將對方電到暈晒大浪。
佢跟男同事分別時，腰果眼加甜美笑容，個樣冧死人。
過馬路時，手揞住心口，Jessica慌死件tube-top跣低。
佢近日跟謝東閔合作拍處境劇，大玩學生造型外，又自拍嘟咀照，好cute呀！
