為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 06 月 29 日

王祖藍1.6億樓王

近年樓市熱熾,唔少樓價屢創新高、新樓盤收票更屢破紀錄,雖然市場情況瘋癲,但好多藝人仍爭住入市,如影帝張家輝、鍾楚紅、謝賢、王祖藍、Angelababy、李治廷、惠英紅、黃心穎等,而古天樂和麥長青則涉獵工廠大廈。

當中以在內地搵得盤滿缽滿嘅王祖藍,身家愈來愈豐厚,可謂炒樓嘅表表者,早前斥資一億六千萬連掃三個大埔逸瓏灣嘅豪宅單位,仲分別寫老婆李亞男同細妹個名,屋企人個個有樓揸手,認真顧家。榮升一億六千萬樓王嘅佢,教東姑買磚頭係最好嘅投資,「我賺十蚊可能畀咗八蚊屋企人。(會再投資嗎?)有機會想試少少,炒股票又冇時間睇,有可能都係物業比較多,買完唔使睇,只要睇入市時間啱唔啱,暫時唔會再入市住,諗吓先。」咁大家會參考嗎?

王祖藍在內地工作一大籮,拍住在國內紅爆嘅鹿唅(左)主持節目,身價日增,近月又乘機舉行巡迴演唱會,狂吸人仔。

 

王祖藍和Angelababy同主持內地《跑男》節目,長駐內地搵錢,跟住便回港投資買樓。

 

向來愛錫家人嘅王祖藍,買嘅樓分別寫上老婆李亞男和細妹個名。

 

佢近兩年豪擲一億六千多萬,連掃三個大埔逸瓏灣嘅豪宅單位,佢同老婆李亞男住嘅頂層連私人空中泳池嘅複式單位。