為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2010 年 05 月 20 日

四太陪賭王歎Amigo鵝肝梳乎喱

賭王何鴻燊回家休養後,一日比一日精神。

上個月三太陳婉珍陪他到跑馬地名人飯堂Amigo食飯後,賭王食過翻尋味,日日嚷着要「出街食飯」。

今個月初,賭王再到Amigo歎他最愛的鵝肝梳乎喱,不過今次輪到四太梁安琪,偕長女超盈和孻女超欣陪賭王開餐。

賭王離開時,四太寸步不離傍到實,確保萬無一失。

賭王康復神速,雖然行動不便,但腦筋相當靈活,上車時他眼碌碌示意保鑣出手,避免升降時撞到頭。

超盈餵賭王食牛柳

賭王自從得到醫生批准回家後,便經常着各房太太陪他「出巡」,到平日最愛的餐廳開餐。早前,他又再出動,在四太梁安琪和女兒超盈及超欣陪同下,再到跑馬地名人飯堂Amigo食晚飯。同行還有長房三女何超賢丈夫Peter及其兒子Stanley Willers。

據知四太當晚亦盡叫賭王愛吃的佳餚,如鵝肝、牛柳、香煎鱸魚、芝士大蝦等,還有最愛的橙酒梳乎喱做甜品。據目擊人士透露,「佢(賭王)動作慢啲,但胃口似乎唔錯,前菜、主菜、甜品,乜都有食,兩個女又幫佢將鵝肝同牛柳切到細細粒,逐粒餵佢食。成枱美食,佢哋最終亦食唔晒,要打包拎走。」

離開時,四太對記者說:「啱啱喺上海返,今晚唔係咩特別日子,普通食餐飯啫!」

當保鑣護送坐輪椅的賭王上福祉車,四太亦貼身睇實,又叮囑記者避免撞親賭王:「你哋小心啲,唔好行咁埋!」而超盈和超欣則殿後,待賭王安坐車中,她們才上車一同離開。

超盈(右)與超欣離開時,在餐廳外待父親安坐車上後,兩姊妹才施施然上車。

四太跟超賢關係良好,是夜更與超賢丈夫Peter(左)及兒子Stanley Willers(右)一同陪賭王飯敍。