為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 玄機靈異區  > 玄緣學院 2010 年 05 月 18 日

紙紮豪宅 睇樓團

雖然政府剛剛推出九招十二式壓抑樓市,不過普羅市民中,買不起超級豪宅的,仍然是絕大多數,更不用說獨立屋花園洋房。不過,還是有一種花園洋房,基本上人人都買得起,兼且美輪美奐,仲可以任你自己自由設計,想加泳池又得、想加個海灘都得,每間都只不過數千元。

雖然這種豪宅是紙紮的,但既可以畀先人享用,又可追上潮流加多部紙紮iPhone之餘,嫌悶仲可以加部PS3添!

室內設備齊全,電視梳化不在講,門口更設有郵箱,一定收到信。

屋內除傢俬設備,連各色美食都有,中式、日式、西式任君選擇。

想要娛樂設備?卡拉OK連酒吧枱應該唔少得。

沙灘度假屋只需約四千五百元港幣,可以擁有海角七號沙灘度假屋。

沙灘上就連「劈西瓜」都有得玩。

較為簡單的花園洋房,價錢約為四千五至五千港元。

諗得出做得到

其實這些紙紮豪宅及各色用品,都是一間台灣企業,參加剛於會展舉辦完畢的亞洲殯儀博覽中的展品,紙紮屋由四千多元至四萬港元不等,所有物件均可自行改動,畀得起錢更可以自行設計一間紙紮豪宅添!

紙紮麻雀其實唔係新產品,不過呢副台灣牌做到極為精細,負責人透露他們公司職員更真的用這副麻雀開過枱。

各式名車均可訂製,約千多元港幣。

iPhone同PS3都係紙紮品,價錢只係數百元港幣。