為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 06 月 22 日

鐵漢柔情 陸漢洋

愛情來的時候,怎擋也擋不住。現年四十三歲的錫礦大王陸佑後人兼賽車手陸漢洋(William),早前與女友苟芸慧高調認愛,不但送上亡母家傳鑽戒,作為定情信物,更公開認定對方為終身伴侶,確認女友準太太地位。

隨時「封盤」的他,直言已有結婚計劃,更不厭其煩地再次發表愛的宣言:「時間對於我哋嚟講,唔係一個束縛,我哋好多嘢已經好有默契,我已經認定咗佢係我嘅終身伴侶,我唔想曾經擁有,希望可以同佢天長地久!」

鐵漢變得柔情,就是愛情的魔力。

早在四年前想成立車隊的他,不介意投資的回報成果:「當然想個車隊攞冠軍,因為無人會記得跑第二嗰個,但要一步一步嚟。玩賽車係件好開心嘅事,就算三五七年後蝕錢,起碼個過程係開心。」

 

真命天女

曾經跟不少女星傳過緋聞的陸漢洋,自從大方公開戀情後,講起女友苟芸慧,句句都甜到入心。

早前他出席自家車隊成立的發布會時,以外星人來形容女友,他笑着解釋:「曾經有一段時間,我成日同朋友講,喺呢個地球上,唔會搵到心目中想共度下半生嘅伴侶。我又要佢靚,又要賢良淑德,孝順兼且慳家,仲唔可以有公主脾氣,如果真係有呢個人,都一定係外星人嚟!所以我已經放棄咗(尋覓伴侶),但佢(苟芸慧)竟然符合晒我嘅要求,仲唔係外星人嚟嘅?」

陸漢洋直指,當初並非對女友一見鍾情,而是在一次偶然的機會下,以賽車拉近兩人的距離。

「有好多次,我同佢喺同一個地點出現,都無認識到對方,直到有一次大家講起賽車話題,我先認識咗佢。之後有一段時間,我每一日做每一件事,都會諗起佢嘅影像,我就問自己係唔係鍾意咗呢個女仔?於是我冷靜咗兩、三個星期,發覺個感覺不但無減退,而且仲強烈咗,我就知係佢(真命天女)!

「我唔記得我哋幾時開始拍拖,但兩個人喺埋一齊,唔係因為對方係邊個,而係對方會令自己變成一個點樣嘅人。我好清楚知道,我同佢一齊嗰時,I am the best person(我係最好嘅自己),呢個就係答案!」

早前他與女友苟芸慧十指緊扣出席活動,笑指已有求婚打算,但不急於生仔:「我唔會拖三五七年(先求婚),但亦唔會係聽日嘅事。我哋無急於生仔,佢三十三歲之嘛,大把時間啦!」

 

早在四年前想成立車隊的他,不介意投資的回報成果:「當然想個車隊攞冠軍,因為無人會記得跑第二嗰個,但要一步一步嚟。玩賽車係件好開心嘅事,就算三五七年後蝕錢,起碼個過程係開心。」

 

一三年,他參加青年冠軍方程式系列賽,成為該項賽事年紀最大的車手:「好多人以為玩賽車好危險,但其實真係安全過搭飛機,少(意外)過你喺街畀車撞嘅比率, 我哋啲安全措施做得好好。」