為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2017 年 06 月 14 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

文翠珊錯判民調

歐美超級星期四喺上星期完結後,因為文翠珊(Theresa May)喺較早時做嘅民調人氣高企,支持率領先工黨,於是決定提前召集大選,並揚言獲選連任後,會加強打擊恐怖活動,修改人權法,限制懷疑恐怖分子嘅自由,但就即被總部設喺美國嘅人權觀察、批評佢唔夠人道立場。

今次英國大選,工黨有部分政綱應承會喺秋季廢除大學學費,提出將投票年齡調低到十六歲,將鐵路、能源系統國有化,又向富人加稅旨在「劫富濟貧」;另一方嘅保守黨本來應承俾工人多啲權利,但為要爭取年輕選民,就宣佈老年人要自行支付個人社會保障費用,得失年長選民嘅同時,就唔見得攞到好多年輕選民嘅票。選前調查仲發現有三分二年輕人傾向支持工黨,英國工黨黨魁柯賓(Jeremy Corbyn)揚言話英國政治版圖將可能因呢次大選完全顛覆,大選結果更有可能延遲即將喺今個月開展嘅脫歐談判都未定,為未來「脫歐」進程同談判添上唔明朗嘅變數。

今次大選投票有超過四千六百九十萬人登記做選民,投票喺六月九日星期五香港時間清晨5點結束,大選前大多數分析家都預測保守黨會取勝、保住執政黨地位。但落筆時據初步點票顯示,保守黨喺六百五十個席位上,或損失十六席只能取得三百十一四個議席,未能獲得三百二十六席過半數嘅要求,工黨則增加三十二席至二百六十六席,蘇格蘭民族黨(SNP)及自由民主黨則各取約三十四同十四個議席,如保守黨最終未能控制大多數議席。重演7年前嘅「懸峙國會」(Hung Parliament),應將要與較友好嘅小政黨籌組聯合政府,情況就似二○一四年美國參議院、奧巴馬政府被共和黨奪控制權後慘成跛腳鴨政府類同。

英國喺過去三個月內,全國上下被恐襲氣氛籠罩着,接二連三發生恐襲,令國民人心惶惶,文翠珊反恐能力亦備受質疑,選民雷切爾喺六月三日星期六、倫敦大橋攻擊現場嘅投票站投票時表示,倫敦市民呢刻心情依然沉重,最關心莫過於遠較脫歐重要嘅國家安全問題。

要數大選最大輸家,可能係只獲得三十二個議席,主張蘇格蘭獨立嘅蘇格蘭民族黨,跟上屆大選時獲得嘅五十六席相比,幾乎無咗半壁江山,外號「蘇格蘭女王」嘅黨魁斯特金今次大選重挫,將令推動蘇格蘭獨立公投嘅形勢變得複雜難行。至於歷史點評價前首相卡梅倫,又或者由佢一手促成英國脫歐嘅後遺症,現階段仍言之尚早,到呢刻仍有人相信脫歐談判唔會為英國帶嚟繁榮,部分企業更選擇轉移投資,日後保守黨要成功推行任何動議勢必舉步維艱。

英國大選初步點票曾一度拖累鎊匯急挫,英鎊兌美元亦慘遭下跌,大選照理應該係喺二○二○年,英國預計喺二○一九年三月二十九日正式脫離歐盟,即係話參與談判嘅將由新政府進行,如果文翠珊以大幅領先贏得選舉,就代表佢嘅脫歐政策得到認同,反之,則意味着佢嘅英國脫歐政策受到質疑。至目前為止,民調機構尚未解決到精確度出現失誤嘅問題,民調其實喺二○一五年大選中亦曾經失敗過,但文翠珊無吸取前事同前首相嘅教訓,就相信民調數據,似乎今鋪真係玩大咗囉。

文翠珊喺較早時民調人氣高企,於是提前大選,但她無吸取前首相嘅教訓,就相信民調數據,似乎今鋪真係玩大咗囉。