為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 06 月 21 日

天堂鳥親戚做軍師

MK-pop組合天堂鳥成軍至今三年幾,出道時曾憑〈登陸太陽〉一曲,打響名堂,前年仲紅到用咗新名BOP(Bird Of Paradise),進軍內地市場,潛力無可限量。另一方面, 前後已換過五個經理人嘅佢哋,早排又同班前經理人出現合約糾紛;而天堂鳥日前就發咗聲明,話同兩間前經理人公司已終止合約;不過,事件相信未必就咁了結,東姑諗落都戥佢哋覺頭痕呀。

日前,東姑去咗深圳東門揼骨,就撞到天堂鳥出席專門培訓藝人嘅學校做開幕嘉賓;期間,三子又唱又跳,當中成員Tyrese(歐鎮源)更Michael Jackson上身,大玩自摸,瞬間炒熱全場氣氛,東姑都睇到血脈沸騰。事後,東姑就靜靜雞八到,原來天堂鳥嘅現任經理人係Tyrese嘅親戚。有咁close嘅人做幕後軍師,相信三子自此可以專心演藝工作,唔使再為官司煩惱嘞。

日前,天堂鳥成員(左起)Tyrese(歐鎮源)、Gordon(葉灝基)及Lincoln(許俊豪),到深圳做開幕嘉賓,當日佢哋轉行簡約路線,有別以往嘅MK打扮。

 

近日,天堂鳥新歌〈Take me higher〉隻MV推出,Tyrese喺入面梳咗個分界頭, 成個韓星咁款,望落仲有幾分似鹿晗喎。

 

三子喺現場載歌載舞,Tyrese做咗Michael Jackson喺〈Billie Jean〉MV入面嘅獨創自摸下體(crotch grab)手勢,東姑睇到眼都凸埋。