為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 06 月 16 日

陳錦鴻酒樓拉生意

陳錦鴻十年前拍落嘅劇集《蘭花劫》,無綫最近就喺倉底挖番出嚟,仲擺黃金時段播放,舊劇得以重見天日,身為男主角嘅錦鴻,義無反顧返娘家幫手做宣傳,認真唔話得。
雖然「港視」嗰邊開台唔成,錦鴻一直「停產」冇劇拍,但佢並唔係完全不擅生產,早年,佢已經喺尖沙咀開咗間潮州酒家,近一兩年仲喺黃埔同廣州開多兩間,喺飲食界大展拳腳。

早排,東姑仲喺佢尖沙咀嗰間酒家撞到佢,同埋老婆杜雯惠去番自己地頭開餐,睇得出佢都好緊張啲生意,順便仲四圍行巡視業務。期間,有啲熱情客人見到錦鴻都好驚喜,猛同佢打招呼say hello,而佢亦都好識做,笑到四萬咁口走埋去冧客,仲聽到佢猛咁叫人多多幫襯,認真落力拉生意。

錦鴻同老婆杜雯惠原本係嚟酒家開餐,不過,緊張生意,忍唔住巡視下業務。

 

好識同啲客打好關係嘅錦鴻,笑到四萬咁口同啲客人傾偈。

 

無綫嘅倉底貨《蘭花劫》忽然逃出生天,身為男主角嘅錦鴻亦落力幫手宣傳。