為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2017 年 06 月 11 日

常妍道 蔡卓妍

明明已經出道十六年,但阿Sa蔡卓妍在普羅大眾的印象中,總是停留在Twins少女組合年代,總是覺得她仍會跟阿嬌鍾欣潼在台上打側手翻。

事實上,今天坐在面前的她,已年屆三十四歲,唱的歌早已不再是十八廿二時的少女情懷,不用再打側手翻;就是演的角色也不再只是無需演技的傻大姐。

「以前大部分導演搵我拍嘅戲,都只係喜劇,又或者係啲『花瓶』角色;但前年《雛妓》之後,真係多咗好多唔同類型嘅角色搵我做。」

戲路擴闊了,阿Sa更清楚自己想演甚麼,如新片《原諒他77次》,就是她「發起」要拍的。「嗰陣我成日都睇網絡愛情小說,一個禮拜可以睇到三本,好沉醉喺嗰啲情懷裏面,好想拍一啲咁嘅戲,咁啱李敏(《原》片編劇)畀我睇佢呢個故事大綱,嘩!好鍾意!我就畀我老細睇,問佢想唔想投資,就成就咗呢件事。

「雖然話呢套戲係愛情片,但個故仔係描述一段關係耐咗,大家思想有乜嘢轉變,有乜嘢摩擦嘅戲,好實在!」畢竟經歷過與鄭中基的一段四年婚姻,前年又跟陳偉霆結束了五年感情,對愛情、對相處,體會良多的阿Sa,當然也有她的論調和態度。

 

 

執唔執着

阿Sa說,她很喜歡跟《原》片編劇李敏食飯傾偈,「佢教到我一啲女性嘅諗法,亦都啟發咗我一啲觀點。好似呢套戲,我都好有共鳴,尤其是兩個人愈拉愈遠嗰啲感受,我諗每個女仔都有過,係幾sad o架!」

電影故事由她飾演的女主角「Eva」,要跟拍拖十年的男朋友「Adam」(周柏豪飾演)分手切入。「男仔同女仔嘅思維太唔同,男仔有個自動清除系統:你嬲呢樣嘢咩?我o氹番你,呢件事佢哋就會delete。但係女仔係會記錄在案,去到要同你分手嗰陣,已經係累積咗一堆嘢。但男仔就會以為,對方只係嬲最後嗰件事,會奇怪點解要咁執着。

「其實女仔只係最想要一個被需要嘅感覺,有咗呢個感覺呢,有好多嘢都會變得冇問題!」

片中她和柏豪相處的情節貼地又真實,例如會因為對方家人而有意見。「我諗我唔會搵一個我屋企人唔鍾意嘅男朋友囉!呢樣嘢一開始已經係個考驗,如果唔係就會好辛苦!」

 

 

阿Sa說,跟柏豪合作《原》片前,一直只是「Hi & Bye」同行關係。「我同佢幾傾得偈,大家都係天蠍座,鍾意嘅嘢同一啲觀點都好相似。」

 

最憎嗌交

拍《原》片叫她最難受的,是嗌交。「我同柏豪有八成嘅戲都係嗌交,啲對白你有你講、我有我講,疊埋一齊,每次拍完,我個腦都好似缺氧咁,個人暈暈哋,把聲都沙埋!所以我覺得嗌交戲,仲難拍過親密戲!」

難,只因阿Sa本來是個不擅嗌交的人。「嗌交會講咗一啲好傷人嘅嘢,跟住就會印咗喺個腦度,大家關係會有條刺。我唔係一個好有脾氣嘅人,所以我好少同好唔鍾意嗌交,又可能我實在太懶啦,哈哈哈!」

所以,她每每寧願選擇自我調節。「如果對方做咗一啲我唔鍾意,或者我接受唔到嘅嘢,我會諗番啲佢曾經為我做過嘅好嘢,跟住我會試吓同佢傾、同佢講。」

談到當下現實中的感情生活,她一副看得開的口吻。「冇話唔想(拍拖)o架,隨緣啦!」不是說張智霖有好男仔介紹嗎?「唉!十幾年嚟,佢都係介紹同一個人畀我,嗰個人我呢十年裏面已經識咗,你諗吓唔work,就知道點解啦!哈哈哈!我真係畀佢激死呀!」

除了喜歡劇本故事,她也很喜歡選角演員。「個個都好入戲!一埋位,小紅姐(惠英紅)已經係阿媽咁;旦哥(鄭丹瑞)就已經係維園阿伯,哈哈!」

 

戲中她有份親自選角的,包括演小店老闆娘的阿嬌。「導演同李敏都覺得,阿嬌一定要演呢個角色,因為同現實一樣,阿嬌嘅出現,係改變咗我嘅人生。」