為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 06 月 12 日

鄭欣宜性感兩片肉

鄭欣宜有份主演嘅電影《29+1》, 日前港澳票房錄得逾千二萬,上周三(三十一日), 電影公司喺尖沙咀搞咗個慶功宴,慰勞吓班台前幕後, 順便幫啱啱過生日嘅欣宜,同另一女主角周秀娜切餅慶生。至於已經三張嘢嘅欣宜,提到早前喺社交網上載嘅晒身材相,惹嚟網民非議之事,佢就輕鬆解畫:「游水梗係着泳衣。」

當晚,東姑就發現原來佢都唔單只得心口,食飽鬆人嘅欣宜,走埋去同班粉絲打牙骹,講到興起,佢雙手舉V、嘟起個性感嘴仔,冧到班少男笑騎騎。其實,「女神」嘅口中兩片肉比起心口兩嚿肉更吸引啫。

當晚,欣宜身穿黑背心、白色長褲,驟眼望冇乜睇頭;於是,佢就猛叫人欣賞佢對黑色密頭高踭鞋,轉移視線。

 

食飽鬆人,欣宜走出食肆會粉絲;而喺應酬班粉絲仔期間,佢一度嘟起性感厚唇,幾迷人。

 

繼何超蓮罷po水着照後,連欣宜都因為網民嘅負評,而極速刪走泳衣相,又揶揄網民難服侍。