為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 06 月 11 日

謝霆鋒父親節送磚頭

謝霆鋒向來孝順老竇「四哥」謝賢,仲一直視佢為偶像,幾年前攞金像獎影帝時,霆鋒喺台上都向老竇講多謝同道歉,早排拍飲食節目又玩「chok蕉」向佢致敬!

最近,霆鋒趁住臨近父親節,就以八千五百萬買入淺水灣怡峰中層單位,當父親節大禮孝順四哥。由土地註冊處資料所得,該單位買家係謝家鈺(TSE KA YUK PATRICK),同四哥原名一樣, 而對於買樓一事,四哥就唔想張揚:「咩喜訊吖⋯⋯使咩張揚!( 買咗淺水灣個單位?)係又點?唔係又點?唔好再問啦!」據悉,原業主開價八千八百萬,經過一論議價後減咗三百萬,實用面積近二千呎,呎價約四萬四千,係兩房兩廳嘅間隔,仲有個靚海景添, 啱晒鍾意望海嘅四哥啦!

其實,有好多巨星都好鍾情淺水灣嘅怡峰,例如:歌神張學友就喺九三年,用咗千六萬買入一個單位;〇四年再用三千幾萬,買入另一個單位,o依家兩個單位加埋市值過億;而周星馳都買過呢個盤,不過好早已經賣咗。

早排,霆鋒拍攝飲食節目時,大玩「chok蕉」向四哥致敬,之後兩父子又喺外地冒雪拍片,分享小時候嘅快樂時光,感情要好!

 

據悉,霆鋒所買嘅單位原業主喺〇七年,用咗四千五百萬元買入,持貨十年,大賺約四千萬元。

 

歌神張學友分別喺九三同〇四年以千六萬同三千幾萬買入怡峰兩單位,現市值約一億五千萬。