為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 06 月 07 日

麥浚龍徵中女扮裸屍

麥浚龍(Juno)喺一三年執導嘅電影《殭屍》,嚇親唔少入場嘅觀眾,贏得好口碑,更加帶起再拍殭屍片嘅熱潮。最近,Juno籌拍新片《風林火山》,據知呢部新戲一樣有屍體,不過唔係殭屍,而係赤裸裸嘅女屍。

最近,Juno喺社交網絡誠徵年齡介乎三十五歲至四十五歲嘅女士,扮遇害人被棄屍荒野。雖然講明女屍係戲中梁家輝嘅太太,但就要光脫脫畀人任影。即使係梁家輝嘅死忠粉絲,都未必肯剝衫就範噃。

查實,Juno呢齣新戲喺一五年已經宣布開始籌拍,仲搵到內地投資公司揼水兩億人仔畀佢使添。

東姑聽聞Juno要求好高,為咗搵演員參演呢部驚世巨作,搞足兩年,今年初終於有定案。除咗搵到影帝梁家輝、男神金城武做男主角之外,影后惠英紅亦落實演出,而近年養尊處優嘅楊恭如亦有份參演,卡士陣容非常強勁,不過至今卻還欠女屍一條!

麥浚龍與陳友繼電影《殭屍》後,再度合作內容發人深省嘅警匪片《風林火山》。

 

Juno曾經接受外國媒體訪問,佢話打算將《風林火山》拍成史詩式警匪片四部曲。

 

據說,電影劇情圍繞緝毒與販毒嘅角力,金城武睇完劇本覺得言之有物,立即答應參演。

 

楊恭如好多年冇拍香港電影,今次終於被Juno誠意打動。

 

最近,電影公司就誠徵女士飾演梁家輝戲中嘅老婆,不過就冇對白,仲要扮全裸女屍。

 

最近,Juno喺社交網絡誠徵年齡介乎三十五歲至四十五歲嘅裸女,扮遇害人被棄屍荒野。徵婚見得多,徵裸女扮死屍真係好少見。