為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 06 月 02 日

白彪全副武裝

大 陸新版《射鵰英雄傳》熱播,搞到網民熱論邊代郭靖同黃蓉最正?曾經做過郭靖大俠嘅黃日華同張智霖,比較令人印象深刻;不過,東姑仲記得有個佳視年代版本嘅郭靖,由白彪飾演;之後,佢又喺兩套《神鵰俠侶》中,再演老版郭靖,佢肯定係演郭靖嘅表表者。

日前,東姑就喺九龍城遇到白彪,今年雖已年屆七十歲,但外表一啲都睇唔出,睇落仲相當精壯,見佢着住短袖衫、短褲,手瓜腳瓜起(月展),胸前肌肉結實大大隻咁,加上孭住個背囊,好似全副「武」裝,準備出動去行山咁款!據東姑所知,佢仲未有退休打算,早幾年簽咗畀港視,近年就返大陸拍劇為主,直至近排佢仲有份參演ViuTV劇集《詭探》,喺演藝界都仲好活躍o架!

白彪曾經喺佳視嘅《射鵰英雄傳》(76年)演過郭靖,而黃蓉就由米雪飾演;同年,佳視開拍《射鵰英雄傳》,兩人再演老版郭靖與黃蓉。之後,白彪又喺古天樂主演嘅《神鵰俠侶》(95年)中,第三次演郭靖。

 

 

 

白彪年屆七十,但佢大俠嘅身形仲keep得到,手瓜起(月展),胸肌仲係脹卜卜。

 

佢孭住個行山背囊,加埋一身運動裝束,似係準備去行山咁款喎!