為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 05 月 26 日

何浩文翻撻糖妹?

舊年,「鴨王」何浩文(Dominic)趁自己嘅壽司店開張,就順便公開埋戀情,直認同任職空姐嘅唐紫瓊(Candy)拍拖,仲好大方咁搭住女友嘅香肩影合照,向大家確認Candy正印嘅地位。

日前,下午五點幾,東姑喺中環站見到Dominic拖住女友。當日,Candy着住條短裙仔,孭住個背囊仔,紮住條馬尾仔,一副圓形嘅眼鏡,認真cute爆,加埋佢個齊蔭嘅髮型,東姑差啲以為Dominic翻撻糖妹(黃山怡)添。

兩人行行吓好似迷路咁款,帶住口罩嘅Dominic,於是就不停用電話Google地圖,搞到喺身邊等候嘅Candy,相當唔耐煩,仲成個小朋友咁扎扎跳,四圍走來走去。最後,佢哋都係要睇番港鐵提供嘅地圖,先至搵到目的地。

Candy同糖妹真係有八成相似,估唔到Dominic嘅口味咁鬼專一。

 

Dominic咁高大,身形又咁fit,所以即使佢帶咗個口罩,東姑依然一望就認得。

 

雖然部行人電梯好窄,但係Dominic一於好少理,同女朋友拖住手一齊行。