為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 05 月 25 日

周柏豪碌爆卡撐阿Sa

蔡卓妍(阿Sa)一手策劃的電影《原諒她77次》,故事改編自李敏嘅同名小說,為咗籌拍呢套愛情片,阿Sa絞盡腦汁大打人情牌,既搵著名導演邱禮濤執導,又邀請周柏豪做男主角。而柏豪仲好有義氣,幫阿Sa碌爆人情卡,「吹雞」召集林盛斌(Bob)、陸永、小肥等兄弟幫手埋位。

事實,柏豪同阿Bob、陸永、小肥平日已經忙到甩轆,不過為幫阿Sa,大家甘心犧牲瞓覺時間為電影開工,所以幾位男士拍攝時間都十分之詭異,經常喺半夜三更先至開工,唔講仲以為佢哋拍鬼片。

早排,東姑喺凌晨十二點去過現場探班,佢哋正喺度拍緊一場男人睇波嘅戲份,而道具就有大批零食,幾個大男人邊吹水邊食嘢,好似幾寫意。不過,慣咗搞笑嘅阿Bob不時爆肚,令到柏豪笑唔停要不時NG。

當導演一叫cut,大家都爭取時間,匿埋一邊閉目養神,阿Bob就話:「阿Sa同柏豪叫到,梗係唔會托手踭,第二朝雖然要開工,瞓少啲冇所謂啦!」而柏豪坦言同阿Bob開工雖然好開心,但係就好擔心晚晚係咁邊拍邊食會變肥仔,已經煩惱緊拍完戲要立即減肥。

阿Bob同陸永一聽到阿Sa同柏豪「吹雞」搵人拍戲,二話不說度期演出。

 

電影《原諒她77次》由阿Sa一手策劃,佢絞盡腦汁大打人情牌,既搵著名導演邱禮濤執導,又邀請周柏豪做男主角。

 

成班兄弟一邊演一邊食唔停,搞到柏豪擔心自己拍完會變咗肥仔。

 

由朝踩到晚,拍到凌晨兩點時,阿Bob終於頂唔順,要坐喺梳化度閉目養神。